Бүгүн, сэтинньи 23 күнүгэр РФ норуоттарын култуурунай нэһилиэстибэлэрин Сылын, Олоҥхо национальнай күнүгэр аналлаах Өрөспүүбүлүкэтээҕи Декада чэрчилэринэн, Саха АССР төрүттэммитэ 100 сылынан, Ийэ тыл барҕа баайын иҥэриммит олоҥхо тылын-өһүн таба суруйар үөрүйэҕи олохсутар-иҥэрэр, киэҥ араҥаҕа билиһиннэрэр сыаллаах, «Олоҥхо дьыктаана» аахсыйаны, «Алаһа» сынньалаҥ киинигэр, олохтоох бибилэтиэкэ тэрийэн ыытта.
Аахсыйаҕа кыттыбыттар бары дьыктааны үчүгэйдик суруйдулар, туоhу сурук (сертификат) туттулар.
«Олоҥхо дьыктаанын туйгуна» ааты ылла Иванова Сардана Петровна.
Сылын аайы ыытыллар «Олоҥхо дьыктаанын» аахсыйатыгар күүс-көмө буолар Шамаева Айталина Николаевнаҕа, дьыктааны кэлэн суруйбут кэрэ аҥардарга махтал.
Убаастабыллаах нэһилиэкпит олохтоохторо, олоҥхо тылын-өһүн билэргитин,тылы сөпкө суруйаргытын бэрэбиэркэлэнэн сыл аайы Олоҥхо күнүгэр ыытыллар «Олоҥхо дьыктаана» аахсыйаҕа кыттыҥ.
Саха тыла-өһө, суруга-бичигэ сүппэтин!
А. М. Сидорова, Баппаҕаайы бибилэтиэкэтэ