Сэтинньи 10 уонна 14 күннэригэр, Бүлүүтээҕи оройуоннай оҕо бибилэтиэкэтин ааҕар саалатыгар, оҕо–аймах кутун туппут, элбэх ахсааннаах норуот сөбүлээн ыллыыр ырыаларын автора, сатира уонна юмор маастара, прозаик уонна драматург, норуодунай поэт Петр Тобуруокап төрөөбүтэ 105 сылыгар аналлаах «Күннүүн оонньуур күөрэгэйдэр» диэн уһуйаан иитиллээччилэригэр, алын уонна орто сүһүөх оскуола оҕолоругар уус-уран ааҕыы күрэҕэ буолан ааста.
Уһуйаан иитиллээччилэригэр уопсайа 33 оҕо, алын сүһүөх оскуола оҕолоругар 30 оҕо, орто сүһүөххэ 1 оҕо кэлэн күрэхтэстэ.
Күрэҕи иилээн-саҕалаан ыытта Т. Ф. Васильева оҕо библиотекатын сүрүннүүр бибилэтиэкэрэ. Дьүүллүүр сүбэҕэ үлэлээтилэр – В. В. Софронова, оҕо бибилэтиэкэтин сэбиэдиссэйэ, М. Е. Егорова оҕо библиотекатын библиограба, А. И. Григорьева информационнай технология отделын кыл. бибилэтиэкэрэ.
Уус-уран хоһоон ааҕыы күрэҕин кыайыылаахтарынан буоллулар –
уһуйаан иитиллээччилэригэр:
Бастакы үрдэл кыайыылаах үрдүк аатын ылла – Сергеева Вика, Чинэкэ нэһилиэгин «Сулусчаан» уһуйаан иитиллээччитэ;
Иккис үрдэл – Саввинов Вася, Бүлүү куоратын «Туллукчаан» уһуйаанын иитиллээччитэ;
Үһүс үрдэл – Егорова Ариана, Чинэкэ нэһилиэгин «Сулусчаан» уһуйаан иитиллээччитэ.
Дьүүллүүр сүбэ быһаарыытынан балаһыанньаҕа ыйыллыбытыттан уларытыыны киллэрдэ.
Алын сүһүөх оскуола оҕолоругар 1-2, 3-4 кылаастары арааран туспа сыаналаата.
1-2 кылаастарга:
Бастакы үрдэл – Петрова Санаайа, Г.С.Донской аатынан №2 оскуола 2 кылааһын үөрэнээччитэ;
Иккис үрдэл – Николаев Дима Советскай Союз Геройун Н. С. Степанов аатынан №3 оскуола 1 кылааһын үөрэнээччитэ;
Үһүс үрдэл – Иванова Виолетта, Г.С. Донской аатынан №2 оскуола 2 кылааһын үөрэнээччитэ.
3-4 кылаастарга:
Бастакы үрдэл – Степанов Марат, Бүлүүтээҕи №1 оскуола 4 кылааһын үөрэнээччитэ,
Иккис үрдэл – Иванова Мичийээнэ, Бүлүүтээҕи №1 оскуола 4 кылааһын үөрэнээччитэ,
Үһүс үрдэл – Степанов Артур, Бүлүүтээҕи №1 оскуола 4 кылааһын үөрэнээччитэ.
Орто сүһүөххэ 1 оҕо кыттыбытынан биир миэстэ таҕыста
Үһүс үрдэл – Васильев Сарыал, Г. И. Чиряев аатынан №1 оскуола 6 кылааһын үөрэнээччитэ.
Хоһоон күрэҕэр кыттыбыт оҕолорго, ааҕааччылары бэлэмнээбит салайааччыларга махталбытын тиэрдэбит.
Петр Николаевич Тобуруокап бэйэтин олоҕун төрөөбүт норуотун ыччата сайдарын, кэскилэ кэҥиирин, саргыта салалларын туһугар анаабыта. Кини айбыт кэрэ айымньылара саха тыллаах баарын тухары үөскүүр ыччаты, үүнэр көлүөнэни үтүөҕэ – кэрэҕэ уһуйа, үөрэтэ – сайыннара, иитэ – такайа туруохтара.
Бүлүүтээҕи оройуоннай оҕо бибилэтиэкэтэ