Бүлүүтээҕи оройуоннай оҕо библиотекатыгар сэтинньи 2 күнүгэр Олоҥхо декадатын чэрчитинэн “Утуму удьуордаан” семинар кыттыылаахтара Бүлүү улууһун Тааһаҕар нэһилиэгин уонна Кэбээйи улууһун олоҥхолуур оҕолорун кытта көрүстүлэр. Николай Афанасьев-Айдаман – Оройуоннааҕы культура сайдыытын уонна норуот айымньытын киинин фольклорун исписсэлииһэ, Тааһаҕартан Ольга Самуиловна Каратаева, Мария Гаврильевна Попова, Кэбээйиттэн Сардаана Константиновна Жакипова салайааччылардаах сэргэх кэпсэтии буолан ааста.
Бэҕэһээҥҥи күн – история,
Бүгүҥҥү күн – бэлэх,
Сарсыҥҥы күн – таабырын!
Хайа баҕар кэм историятын, олоҕун, дьонун сурукка түһэрэн үйэтитэр КИНИГЭ – буолар. Оҕолорго Бүлүү баай историятын сэгэтэн “20 фактов о истории ВИЛЮЙСКОГО УЛУС” слайд – презентация көрдөрүлүннэ.
Киһи – дойдутунан, дойду – киһитинэн суон сураҕырар! – диэн туран «Ийэ тылынан саҥарабыт, саха тылынан сайдабыт» кинигэ быыстапкатын Бүлүү улууһугар Олоҥхо уутуйан үөскээбит түөлбэтэ буоларын кэпсиир кинигэлэри, ону сэргэ Бүлүү, Кэбээйи суруйааччыларын айымнньыларын билиһиннэриини оҕолор сэргээн иһиттилэр.
Тэрээһини иилээн-саҕалаан ыытта Оҕо бибилэтиэкэтин кыл. библиограба Мария Егоровна Егорова.
Семен Данилов хоһоонунан
«…Саҥаттан саҥаны
Көрдүөххэ – булуохха,
Кыраттан даҕаны
Үөрүөххэ – көтүөххэ,
Кэрэттэн – кэрэни
Кэрэхсии көрүөххэ!…» –
диэн туран Мастаах оскуолатын 9 кылаас үөрэнээччитэ Мария Борисова оһуокай этиитинэн түмүктэннэ.
Бүлүүтээҕи оройуоннай оҕо бибилэтиэкэтэ