От ыйын 1 күнэ – Саха Өрөспүүбүлүкэтигэр Национальнай бэчээт күнэ. Бу күн, 1907 с., сахалыы типография шрибэ оҥоһуллан, «Саха дойдута» «Якутский край» хаһыат иһинэн аан бастаан бэчээттэннэн тахсыбыта. Биһиги улууспутугар сахалыы тыллаах «Qolquos suola» («Колхоз суола») хаһыат 1931 сыллаахха, кулун тутар ыйга тахсыбыта. Улууспут хаһыатын туһунан Электроннай библиотека сайтыгар ааҕыҥ, сэргээҥ : «Улуус хаһыатын 90 сыла» : https://e-librvil.ru/90vilpaper/. Улуус хаһыатын урукку сыллардааҕы таһаарыылара: https://e-librvil.ru/newspapers/
«ОЛОХ СУОЛА» хаһыат редакциятын, суруналыыстары, хаһыат аналлаах корреспонденнарын, типография үлэһиттэрин бырааһынньыгынан эҕэрдэлиибит! Бүлүү улууһун олоҕун күн ахсын аахтара суруйан, сурукка тиһэн сыаната биллибэт сүҥкэннээх үлэни толороҕут, үйэтитэҕит, дьон махталын ылаҕыт. Эһиэхэ айар үлэҕитигэр үрдүктэн-үрдүк ситиһиилэри баҕарабыт, ааҕааччы киэҥ эйгэтин хабан, дьоҥҥутун-сэргэҕитин өссө да саҥаттан-саҥа сонуннарынан сэҥээрдэ, сэргэхситэ туруҥ!