«Саҥа күн төрөөтөҕүнэ, Саҥа санаа төрүүр…». Иван Гоголев-Кындыл

Бэс ыйын 17 к. Иван Гоголев-Кындыл аатынан киин библиотека ааҕар саалатыгар САССР төрүттэммитэ 100, Бүлүү улууһугар – Бүлүү Чулуу дьонун сылларынан, “Уруйдан Бүлүүм улууһа, Айхаллан Сахам сирэ” улуустааҕы Үрүҥ Тунах Ыһыах чэрчитинэн Саҥа күн төрөөтөҕүнэ, Саҥа санаа төрүүр… диэн ааттаах Ийэ тыл сүмэтин иҥэриммит айар куттаах, талба талааннаах, суруйар дьоҕурдаах дьоннуун көрсүбүччэ истиҥник сэһэргэһэ, ахтыспычча ааспыты санатыһа ааҕааччылардыын  истиҥ, сэргэх көрсүһүү буолан ааста.


Ол курдук ыалдьыттаатылар Анна Ивановна Гоголева – СӨ суруйааччыларын Союһун чилиэнэ, П. Ойуунускай аат. литературнай түмэл научнай салайааччыта, Зоя Петровна Багынанова – Саха АССР үтүөлээх, СӨ норуодунай артыыһа, Мария Петровна Неймохова – СӨ Судаарыстыбатын гражданскай сулууспатын туйгуна Егор Неймохов кэргэнэ, Алена Николаевна Алексеева – С. Новгородов аатынан “АЙАР” национальнай кинигэ кыһатын редактора, Анатолий Павлович Николаев – РФ үтүөлээх, СӨ норуодунай артыыһа, Николай Александрович Крылов – СӨ культуратын үтүөлээх үлэһитэ, СӨ суруналыыстыка салаатыгар Государственнай бириэмийэ лауреата.

Үтүө дьон үтүө санааларын, ахтыыларын, умнуллубат кэрэ түгэни бэлэхтээбиттэригэр дьон-сэргэ астынан айымньылаах айар үлэлэригэр ситиһиилэри баҕардылар.

Егорова М. Е., кыл. библиограф, Бүлүүтээҕи оройуоннай оҕо бибилэтиэкэтэ,  «И. М. Гоголев — Кындыл аатынан
Бүлүүтээҕи нэһилиэктэр икки ардыларынааҕы кииннэммит библиотека ситимэ» МХТ


Оставить комментарий

Мы используем cookie. Во время посещения сайта Муниципального казённого учреждения «Вилюйская межпоселенческая централизованная библиотечная система» муниципального района «Вилюйский улус (район)» Республики Саха (Якутия) вы соглашаетесь с тем, что мы обрабатываем ваши персональные данные с использованием метрических программ. Подробнее

Понятно, спасибо
Обратная связь