Россия бочуоттаах архивиһа

Муус устар 21 күнүгэр И.М. Гоголев — Кындыл аатынан Бүлүү улууһун киин библиотекатыгар Саха АССР төрүттэммитэ 100 сылын, Бүлүү улууһугар – Бүлүү чулуу дьонун сылын бэлиэтээһин чэрчитинэн, биир дойдулаахпыт Россия бочуоттаах архивиһа  Николай Романович Константинов төрөөбүтэ 75 сааһын көрсө ааҕааччылары кытта бэрт сэргэх көрсүһүү буолан ааста.


Бүлүү улууһун муниципальнай архыыбын кылаабынай архивиһа Надежда Семеновна Филиппова, Россия бочуоттаах архивиһа, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Эдьигээн улууһун, Өкүндү нэһилиэгин бочуоттааах олохтооҕо Николай Романович туһунан, архыып улэтин-хамнаһын, туох докумуоннар архыып фондатыгар харалла сыталларын, Саха Өрөспүүбүлүкэтин Национальнай архыыбын сайтыгар киирэн туһааннаах архыып материалларын хайдах булан туһанар сөбүн туһунан сүбэлээтэ, кэпсээтэ.

Чернышевскай нэһилиэгин муниципальнай тэриллии баһылыга Артур Владимирович Протопопов, Чернышевскайдааҕы модельнай библиотека кылаабынай бибилэтиэкэрэ Любовь Прокопьевна Корякина «Древо жизни» программаҕа нэһилиэк төрүччүтүн хайдах оҥорбуттарын туһунан кэпсээтэ, Кырдьык да элбэх үлэ барбытын мустубут дьон сэргээн иһиттэ.

«Олох үктэллэрэ …» диэн Николай Романовичка аналлаах быыстапкаҕа хаартыскалар, үлэлэһэн таһаартарбыт кинигэлэрэ, Бүлүү муниципальнай архыыбыттан Өкүндү нэһилиэгин хаһаайыстыбаннай кинигэлэрэ, «17 комсомуол» аатынан колхоз көлөһүн күннэрин туоһулуур матырыйааллар ааҕааччы көрүүтүгэр турдулар. Тэрээһин кыттыылаахтара «архивка саҥа ирдэбилгэ эппиэттиир дьиэ тутуллара буоллар» диэн баҕа санааларын эттилэр.

Маннык көрсүһүү олус наадалааҕын ыйдылар уонна төрдүнү-ууһу кэнэҕиски ыччат билэригэр төрүччүнү оҥорорго үөрэтэр семинар тэриллиэн баҕардылар.

Көрсүһүүнү директор эбээһинэһин толорооччу Светлана Семеновна Николаева иилээн-саҕалаан ыытта.

С. С. Николаева, «И. М. Гоголев — Кындыл» аатынан Бүлүүтээҕи нэһилиэктэр икки ардыларынааҕы кииннэммит библиотека ситимэ» МХТ, директор эбээһинэһин толорооччу

Оставить комментарий

Мы используем cookie. Во время посещения сайта Муниципального казённого учреждения «Вилюйская межпоселенческая централизованная библиотечная система» муниципального района «Вилюйский улус (район)» Республики Саха (Якутия) вы соглашаетесь с тем, что мы обрабатываем ваши персональные данные с использованием метрических программ. Подробнее

Понятно, спасибо
Обратная связь