ОЛУННЬУ 11 КҮНҮГЭР Төрөөбүт тыл уонна сурук-бичик күнүгэр аналлаах, «Таптыыр сахам тылынан…» өрөспүүбүлүкэ оскуолаларын 3 – 8 кылаас үөрэнээччилэригэр бэһис сылын ыытыллар акцияҕа уопсайа Бүлүү улууһун үрдүнэн 195 үөрэнээччи үс бөлөҕүнэн арахсан: 3-4 кылаастар, 5-6 кылаастар, 7-8 кылаастар онлайн форманан кытыннылар…
Күндү кыттааччылар, Туоһу суругу. Убаастабыллаах оҕолору акцияҕа кытыннарбыт учууталлар, Махтал суругу. Кыайылаах аатын ылбыт оҕолор, Добун суругу сайтан хачайдаан ылаҕыт.
3-4 кылаастарга кыайыылаах:
1 миэстэ — Каратаева Иванна, Бүлүүтээҕи бастакы нүөмэрдээх уопсай үөрэхтээһин начаалынай оскуолатын 4 “г” кылааһын үөрэнээччитэ
2 миэстэ – Осипова Кюбэйэ Куо, Н. Н. Каратаев аатынан Тааһаҕар оскуолатын 4 кылааһын үөрэнээччитэ
3 миэстэ – Иннокентьев Дмитрий, И. В. Яковлев аатынан Үгүлээт оскуолатын 4 кылааһын үөрэнээччитэ
5-6 кылаастарга кыайыылаах:
1 миэстэ — Колтовской Тимур, Н. И. Афанасьев аатынан Бороҕон оскуолатын 6 кылааһын үөрэнээччитэ
2 миэстэ — Афанасьев Артем, Бүлүүтээҕи бастакы нүөмэрдээх Г. И. Чиряев аатынан оскуола 6 “б” кылааһын үөрэнээччитэ
3 миэстэ – Герасимова Кристина, Бүлүүтээҕи үһүс нүөмэрдээх Советскай Союз Геройун Н. С. Степанов аатынан оскуола 6 “а” кылааһын үөрэнээччитэ
7-8 кылаастарга кыайыылаах:
1 миэстэ — Бубякин Андрей, Н. И. Афанасьев аатынан Бороҕон оскуолатын 7 кылааһын үөрэнээччитэ
2 миэстэ – Каратаев Дима, И. Л. Кондаков аатынан Бүлүүтээҕи гимназия 7 кылааһын үөрэнээччитэ
3 миэстэ – Иннокентьев Сергей, И. В. Яковлев аатынан Үгүлээт оскуолатын 7 кылааһын үөрэнээччитэ
КҮНДҮ КЫТТААЧЧЫЛАР, Туоһу суругу хачайдаан ылаҕыт:
Оҕолору акцияҕа кытыннарбыт УБААСТАБЫЛЛААХ УЧУУТАЛЛАР, Махтал суругу хачайдаан ылаҕыт:
Улуу Платон Ойуунускай, Өксөкүлээх Өлөксөй, Анемподист Софронов – Алампа уонна да атын талааннаах суруйааччыларбыт айымньыларыгар ийэ тылбыт чөҥөрө чүөмпэтэ, уолбат ойбоно, үйэлэргэ чочуйбут, чопчулаабыт өйдөбүлэ, итэҕэлэ, мындыра, кута-сүрэ барыта сөҥөн сылдьар.
Күндү оҕолор, төрөппүттэр, аҕа көлүөнэ дьоммут, төрөөбүт төрүт саха тылбыт баайын – дуолун энчирэппэккэ, сатаан туһаныаҕыҥ, сыаналыаҕыҥ. Сир сирэйиттэн сүтэн, сиик курдук симэлийэн, алаас көлүйэтинии уостан — уолан хаалар дьылҕаламматын туһугар харыстыаҕыҥ, көмүскүөҕүҥ.
Сылын аайы сахабыт тылын сэргээчилэр, өрө тутааччылар элбии туруохтара диэн бигэ эрэллээхпит!
Бүлүүтээҕи оройуоннай оҕо бибилэтиэкэтэ