Төрөөбүт тыл, сурук-бичик күнүн чэрчитинэн олунньу 13 күнүгэр И. М. Гоголев–Кындыл аатынан улуустааҕы киин бибилэтиэкэҕэ үгэскэ кубулуйбут өрөспүүбүлүкэтээҕи аахсыйаҕа кыттыһан дьыктаан суруйуута буолан ааста.
…Ийээ, миэхэ бэлэхтээбитиҥ
Ийэ тылым барахсаны-
Сир биир улуу дьиктитин,
Сир бараммат бастыҥ баайын…
И. М. Гоголев-Кындыл
Дьыктааны бибилэтиэкэр Мария Андреевна Иванова – народнай суруйааччы Софрон Данилов «Барымаҥ даа, кубалар» романыттан СӨ Национальнай бибилэтиэкэтэ уонна М.К.Аммосов аатынан ХИФУ Хотугулуу-Илиҥҥи олохтоох омуктар тылларын уонна култуураларын института бэлэмнээбит тиэкистэрин аахта.
Элбэх киһи бэйэтин билиитин-көрүүтүн тургутан көрдө.
СӨ Национальнай бибилэтиэкэтэ уонна М.К.Аммосов аатынан ХИФУ Хотугулуу-Илиҥҥи олохтоох омуктар тылларын уонна култуураларын институтун Добун суруктара ананнылар:
- «Бастыҥтан бастыҥ суруксут» – Филиппова Надежда Семеновнаҕа,
- «Бастыҥ суруксут» – Седалищева Надежда Прокопьевнаҕа,
- «Үчүгэй суруксут» – Саввинова Клара Егоровнаҕа, Дранаева Кыыдаана Васильевнаҕа
Бары кыттыбыт ааҕааччыларбытыгар махталбытын тиэрдэбит!
Үөрүүлээх түгэнинэн бүгүҥҥү күҥҥэ анаан Клара Егоровна Саввинова «Основатели государственности Якутии» диэн 2022 сыллааҕы халандаары бэлэх уунна. Түгэнинэн туһанан киниэхэ улахан махталбытын тиэрдэбит.
Дьыктаан тиэкиһэ (уопсайа 270 тыл)
Данилов, Софрон Петрович. [Бу сир үрэҕин аатынан Дьэҥкир диэн ааттанар…] // Барымаҥ даа, кубалар : роман / Софрон Данилов. – Якутскай : Саха сиринээҕи кинигэ изд-вота, 1986. – С. 21–22.
И. М. Гоголев–Кындыл аатынан улуустааҕы киин библиотека
Аҕааччыны кытта үлэлиир отдела