«Никита Васильевич Матвеев» : саҥа кинигэ билиһиннэриитэ

Бүгүн бэс ыйын 17 күнүгэр Культура дыбарыаһыгар “Саха сирин үтүөкэн дьоно” серияҕа тахсыбыт биир дойдулаахпыт Российскай Федерация, САССР үтүөлээх бырааһа, САССР XII ыҥырыылаах Үрдүкү Сэбиэтин дьокутаата, Тылгыны нэһилиэгин, Бүлүү куоратын, Бүлүү улууһун бочуоттаах гражданина, Бүлүү улууһун, Саха Өрөспүүбүлүкэтин, РФ бочуоттаах бэтэрээнэ, Бүлүү оройуоннааҕы сэбиэтин дьокутаата…

СӨ Ытык аҕа бэлиэтин хаһаайына, РФ суруналыыстарын сойууһун чилиэнэ, улуус, республика хаһыаттарыгар общественнай корреспондент “Знание” общество чилиэнэ, эколог, улуус бэтэрээннэрин сэбиэтин бэрэссэдээтэлин солбуйааччы   Никита Васильевич Матвеев туһунан «Никита Васильевич Матвеев : Дьон туһугар анаммыт олох» диэн кинигэ билиһиннэриитэ буолла.

Кинигэни хомуйан, кичэллээхтик таҥан, оннооҕор ордук кыһаллан эрэдээктэрдээн СӨ үөрэҕин үтүөлээх үлэһитэ, педагогическай наука кандидата, Бүлүү, Нам улуустарын бочуоттаах гражданина Ульяна Федоровна Кондакова үс сыл үлэлэһэн таһаарда.

Кинигэ техническэй үлэтин СӨ үөрэҕириитин бочуоттаах бэтэрээнэ Светлана Павловна Николаева толорбут.

Бу кинигэ дьоруойа Никита Васильевич Матвеев дьон туһугар, эмчит идэтигэр өйүн-сүрэҕин биэрэн үлэлээбит, сүүһүнэн киһиэхэ олохторун уһаппыт үрүҥ халааттаах Аанньал буолан, тус олоҕор ситиһии көтөллөнөн үрдүккэ күөрэйбит киһи киһитэ, кэрэмэһэ, олоххо төгүрүччү өттүнэн холобурга сылдьар хоһуун киһиэхэ, Улуус дьаһалтатыттан Сергей Николаевич Винокуров, Иван Афанасьевич Волков, Герасим Алексеевич Солтуев, Наталья Дмитриевна Алексеева, Афанасьев Степан Ильич, биир идэлээхтэрэ, чугас атас-доҕор, общественнай үлэҕэ бииргэ алтыспыт дьонноро истиҥ эҕэрдэ, махтал тылларын анаатылар.

 

Инникитин даҕаны ырааҕы көрөн, кэскили санаан, айымньылаах, киэҥ далааһыннаах үлэтин тэтимин ыһыктыбакка салҕанарыгар баҕа санааларын эттилэр.

Тэрээһини бэлэмнээн, иилээн-саҕалаан ыыттылар Улуус киин библиотекатын үлэһиттэрэ М. П. Дмитриева, М. Е. Егорова, Ааҕааччыны кытта үлэлиир отдел, «Бүлүү улууһа (оройуона)» муниципальнай оройуон дьаһалтата.

М. Е. Егорова, Бүлүүтээҕи оройуоннай оҕо библиотекатын кыл. библиограба

Оставить комментарий

EnglishРусский

Мы используем cookie. Во время посещения сайта Муниципального казённого учреждения «Вилюйская межпоселенческая централизованная библиотечная система» муниципального района «Вилюйский улус (район)» Республики Саха (Якутия) вы соглашаетесь с тем, что мы обрабатываем ваши персональные данные с использованием метрических программ. Подробнее

Понятно, спасибо
Обратная связь