Пушкин аатынан уулусса кырдьаҕас олохтооҕо

Бүлүүтээҕи киин библиотека Ааҕааччылары кытта үлэлиир отдела Россияҕа Пушкин күнүгэр анаан, биһиги Бүлүүбүт куоратын Пушкин аатынан уулусса 95 саастаах кырдьаҕас олохтооҕуттан – Саввинова Анна Титовнаттан олорор уулуссатын уонна бэйэтин туһунан кэпсииригэр көрдөстө…



Мин, Саввинова Анна Титовна, 95 саастаах Бүлүү куорат кырдьаҕас олохтооҕо, тыыл, үлэ бэтэрээнэ Бүлүү куоратыгар Пушкин уулусса 34 нүөмэрдээх дьиэтигэр олоробун. Бу дьиэни аҕам Тиитэ оҕонньор хараабай маһынан 1961 с. туппута. Маһын Бүлүү өрүһүнэн болуотунан киллэрбитэ.

Болуоту Протокаҕа тиксиһиннэрэн  атынан таспыттара. Ол саҕана лесовоз суоҕа, грузовой массыына да аҕыйаҕа…Билиҥҥи курдук техника суоҕа, барыта илии үлэтэ этэ.

Мин 30 сыл Бүлүүтээҕи орто оскуолаҕа остуораһынан үлэлээн 1985 с. сынньалаҥҥа тахсыбытым. Оскуолам билигин гимназия буолан турар. Пушкин уулуссаннан. күҥҥэ  10-та хаамарым….Ол саҕана оскуола үс сменанан үлэлиирэ. Оҕолор сарсыарда 8.00 ч., күнүс 14.00.ч. уонна киэһэ 19.00.ч. үлэлиир ыччат  кэлэн үөрэнэллэрэ. Хас смена аайы оскуола оҕото кэлэригэр оскуолабыт  ыраас буоларыгар кыһалларбыт. Сарсыарда 5.00 чаас саҕана.баран бастакы смена кэлэригэр оскуоланы үс остуорас хомуйарбыт. Үлэ ыарахана, оҕолорбут өрөбүл күн дьиэ сууйсан көмө буолаллара…

Олорор уулуссабын наһаа сөбүлүүбүн. Уулуссам көбүс көнө, массыына, киһи бөҕө сылдьар. Оскуола оҕото, училище студеннара, улэлэригэр барар дьон. Хас да сыллааҕыта сиэн оҕолорум биир мүнүүтэҕэ эбиэт кэмигэр  67 массыына ааста диэн кэпсээбиттэрэ.

Дьиэм  «Кыра Уолбут» таһыгар баар буолан сылгы, ынах бөҕө аһыыр. Сайын күп күөх, кыһын хаар маҕан, саас халааннаатаҕына оннооҕор кустар түһэллэр…

Анна Титовна кэпсээниттэн суруйда К. Е. Саввинова, Албан аат түмэлин сэбиэдиссэйэ



…В Вилюйске широко отмечались пушкинские даты: 100–летие со дня смерти в 1937 г. и дни рождения – 150–летие в 1949 г. и 200–летие в 1999 г. Видимо, в 1937 г. именем А. С. Пушкина названа новая улица в тогдашней окраине города.
Источник: Миронов, Н. С. Вилюйск и его улицы / Миронов Н. С. – Вилюйск : Стандарт, 2014. – С. 105.


Навигация: Вернуться на главную страницу

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь