«Кыайыыга кынаттаабыт ырыалар» дьиэ кэргэн ырыа күрэҕэ

«Ырыа – олох аргыһа» диэн норуот мындыр этиитэ мээнэҕэ этиллибэтэх. Сэрии кэмигэр ырыа туспа суолталааҕа, ол курдук ыарахан кэмҥэ санааны өрө көтөҕөр, норуоту сомоҕолуур дьикти күүстээҕэ. «Хайыһар», «Тыыннаахтар умнубат сыллара», «Эйэ, дьол иһин», «Мин мантан сэриигэ барбытым» онтон да атын ырыалар элбэх киһи сүрэҕэр иҥмиттэрэ, кыайыыны уһансарга кынаттаабыттара.

Бүлүүтээҕи оройуоннай оҕо библиотеката Улуу Кыайыы 75 сыллаах үбүлүөйүн көрсө «Кыайыыга кынаттаабыт ырыалар» кэтэхтэн дьиэ кэргэн ырыа күрэҕин ыытта. Кыттааччылар ватсап ситимин, электроннай почта нөҥүө ыам ыйын 3 күнүттэн ыам ыйын 17 күнүгэр дылы видеоларын устан ыыттылар. Үгүс сэрии саҕанааҕы уостан туспэт ырыа ылланна, дьиэ кэргэн бары биир киһи курдук ырыа алыбыгар куустаран, ис сүрэхтэн долгуйан туран кыайыыны уһансыбыт ырыалары ыллаабыттара олус кэрэхсэбиллээх.  Өссө да инникитин оройуоннааҕы оҕо библиотеката ыытар маннык тэрээһинигэр бэйэлэрин ис санааларыттан көхтөөхтүк кыттыахтара диэн баҕа санаабытын этинэбит.

Дьүүллүүр сүбэҕэ үлэлээтилэр:

  • Саха Республикатын культураҕа туйгуна, элбэх Республиканскай, региональнай, оройуоннай ырыа көрүүлэрин дипломана, лаурета Семенова Августина Гаврильевна;
  • «Бүлүүтээҕи поселениялар икки ардыларынааҕы кииннэммит библиотечнай ситим» библиотекара Иванова Мария Андреевна;
  • Оройуоннааҕы оҕо библиотекатын сүрүн библиотекара Софронова Владилена Владимировна.

Дьүүллүүр сүбэ элбэх сэрии тиэмэтигэр аналлаах ырыаны истэн баран күрэхтэhии түмүгүн маннык быһаарда:

«Кыайыыга кынаттаабыт ырыалар» кэтэхтэн дьиэ кэргэн ырыа күрэҕин кыайыылаах үрдүк  аатын Чочу нэһилиэгин үс көлүөнэ Чиряевтар дьиэ кэргэннэригэр туттарда.


Күрэх балаһыанньатынан биир эрэ кыайыылаах дьиэ кэргэн тахсыахтаах этэ, ону кэһэн туран дьүүллүүр сүбэ Бүлүү куоратын Парасковья Михайловна уонна Антон Бубякиннар дьиэ кэргэннэригэр «Кыайыыга кынаттаабыт ырыалар» кэтэхтэн дьиэ кэргэн ырыа күрэҕин кыайыылаах  аатын туттарда.


Кыайыылаахтарга итии – истиҥ эҕэрдэ!

Күрэх кыттааччыларыгар барыларыгар дьолу, эйэни, доруобуйаны баҕарабыт! Кыттыбыккыт иһин улахан махталбытын тиэрдэбит.


Кыайыылаахтарга Добун сурук, кыттааччыларга Туоһу сурук электроннай почталарыгар ыыталыыбыт.

Оройуоннааҕы оҕо библиотеката,
ыам ыйын 19 күнэ


НавигацияВернуться на главную страницу

Оставить комментарий

EnglishРусский

Мы используем cookie. Во время посещения сайта Муниципального казённого учреждения «Вилюйская межпоселенческая централизованная библиотечная система» муниципального района «Вилюйский улус (район)» Республики Саха (Якутия) вы соглашаетесь с тем, что мы обрабатываем ваши персональные данные с использованием метрических программ. Подробнее

Понятно, спасибо
Обратная связь