Аҕа дойду Улуу сэриитэ хас биирдии киһи, хас биирдии норуот сүрэҕэр дириҥ үйэлэргэ оспот бааһы хаалларбыта. Бу иэдээннээх сэриигэ оҕотуттан, кырдьаҕаһыттан тутулуга суох бары кыайыы суолун уһансыбыттара. Төһөлөөх элбэх буойуттар, уолаттар, кыргыттар, саҥардыы олоҕу билэн иһэн суорума суолламмыттарай…
Аҕа дойду Улуу сэриитин ой дуораана үүнэр көлүөнэҕэ история эрэ буолан иһиллэр. Сыллар — хонуктар аастахтарын аайы ырааттар ыраатан, чэрдийэн, ыар сибикитэ уостан хаалбатын, өйтөн — сүрэхтэн сүппэтин, симилийбэтин диэн Аҕа дойду Улуу сэриитин туһунан кинигэлэртэн ааҕан, буойун суруйааччылар айымньыларыттан, Улуу Кыайыыны уһансыбыт бэтэрээннэр ахтыыларыттан, эргэрбит хаартыскалартан көрөн билиҥ, үөрэтиҥ. Төһө да кэм аастын буойуннар ааттара умнуллубатын, норуот өйүттэн сүппэтин.
Подготовила: В.В. Софронова, гл. библиотекарь детской библиотеки
Навигация: Вернуться на главную страницу