Ким да умнуллубат, туох да умнуллубат!

Кэм кэрдиис Аҕа дойдуну көмүскүүр Улуу сэрии сылларын төһөннөн ыраатыннарар да, ол харах уулаах, уйаны-хатаны тургутуһар кэмнэр өлбөөдүйүөхтээҕэр өйбүтүгэр, сүрэхпитигэр ордук дьэнкэрэн, суолталанан иһэллэр. Чочу нэһилиэгин 182 дьоно алаһа дьиэлэриттэн арахсан фроҥҥа аттаммыттара.

Кинилэртэн 110 киһи кыргыс толоонугар геройдуу охтоннор дойдуларыгар эргиллибэтэхтэрэ. Нэһилиэк хорсун уолаттарын көмүс уҥуохтара Москва, Ленинград, Сталинград, Смоленщина, Белоруссия, Украина, Латвия, Польша, Югославия, Германия сирдэригэр хараллан сыталлар. Ким да умнуллубат, туох да умнуллубат!

Чочу нэһилиэгэр Улуу Кыайыы 74 сылын көрсө олохтоох библиотекаҕа «Сир Ийэ баастара оспоттор» кинигэ быыстапката, «Махтанабыт! Сугуруйэбит!»  Кыайыы иһин охсуспут бэтэрээннэрбитигэр, тыылга чэрдээх илиилэринэн кыайыыны уһансыбыт  тыыл бэтэрээннэригэр, сэрии кэмин оҕолоругар аналлаах, эдэр көлүөнэ  ытыктаатын, өйдөөтүн, киэн тутуннун диэн хаартыскалар, альбомнар, буклеттар сэрии кэмин көрдөрөр экспонаттар турдулар.

Ыам ыйын 8 күнүгэр Кыайыыга аналлаах параат, инсценировка, полевой кухня, тыыл, сэрии кэмин оҕолоругар аналлаах тэрээһин буолар. Киэһэ 8 чааска «Свеча памяти», сэрии уонна тыйыс тыыл дьоруойдарыгар аналлаах шествие ыытыллар.

Клавдия Николаева, вед. библиотекарь Чочунской библиотеки



Навигация: Вернуться на главную страницу 

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь