Чурапчы оройуонун Кытаанах нэһилиэгиттэн төрүттээх, Бүлүү куоратын кырдьаҕас олохтооҕо, тыыл-үлэ ветерана, Бүлүүнү иккис дойду оҥостубут Мария Ивановна Захарова-Николаева «Олох умсулҕана» диэн кинигэтин 90 сааһыгар сылдьан суруйбута, 2012 с. бэчээттэнэн тахсыбыта. Кинигэҕэ бэйэтин олоҕун, төрдүн-ууһун, дьиэ кэргэнин, төрөөбүт Чурапчытын араас кэмин: үөрүүтүн-көтүүтүн, ыарахан да кэмнэрин, алтыһан ааспыт дьикти-кэрэ дьоннорун өйүгэр-сүрэҕэр илдьэ сылдьар өйдөбүлэ кэпсэнэр. Араас сылларга тахсыбыт — чөл олоххо, ыччат иитиитигэр аналлаах ыстатыйалара, тылбаастара, үһүйээннэр хомуллан киллэриллибиттэр. Кинигэ оцифрованнай көрүҥүн МАННА КИИРЭН ААҔЫҤ, СЭРГЭЭҤ (ЧИТАТЬ)