Профориентационнай үлэ чэрчитинэн «Экскурсия по СВФУ», «Ийэ тыл, сурук-бичик» күнүгэр аналлаах, «Саха тыла — өркөн өйбүт» интерактивнай күрэх, олохтоох ааптар Алексеева Г. А. — Сайылык Кыыһа «Санааларым — кынаттаах аттарым» диэн хоһооннорун хомууруунньугун иккис кинигэтин сүрэхтэниитэ, уонна да атын сонуннар...
Экскурсия по СВФУ
Биһиги библиотекабыт үлэтин биир хайысхата — профориентационнай үлэ буолар. Оскуола оҕолоро сөптөөх хайысханы тутуһан, бэйэлэригэр сөптөөх идэ талалларыгар көмө буоллун диэн араас өрүтттээх тэрээһиннэри ыытабыт. Ол курдук оҕолорго сыал –сорук туруоруналларыгар, үөрэхтэригэр кыһаллан, биир кэлим эксээмэни ситиһиилээхтик туттарылларыгар көх –нэм буоллун диэн араас үөрэх кыһаларын куруук билиһиннэрэбит, кэпсиибит.
Бу, олунньу ыйга «Экскурсия по СВФУ» диэн слайд көрдөрдүм. СВФУ ханна филиаллардааҕын, ханнык үөрэх хайысхалара баалларын, ханнык предметкэ БКЭ туттаралларын, устудьуоннар олорор сирдэрэ, иллэҥ кэмнэригэр тугунан дьарыктаналлара — бу слайд-презентацияҕа барыта көстөр, кэпсэнэр.
Кэпсэтии түмүгэр, оҕолор ханнык үлэҕэ сыһыаннаахтарын,туох талааннаахтарын көрөдөрөр тест оҥоттордум. Оҕолор сэргээн, астынан, боппуруос бөҕө ыйытан тарҕастылар.
«Ийэ тыл, сурук-бичик» күнүгэр аналлаах
«Саха тыла — өркөн өйбүт» интерактивнай күрэх
“Ийэ тыл, сурук-бичик” күнэ оҕоҕо төрөөбүт тылга тапталы иҥэрэр, дьиэ кэргэни ааҕыыга көҕүлүүр сыаллаах – соруктаах тэрээһиннэртэн биирдэстэрэ буолар.
Олунньу ый 13 күнүгэр нэһилиэк бибилэтиэкэрэ Колодезникова Галина Захаровна, оскуола бибилэтиэкэрэ Семенова Татьяна Александровалыын уонна бииргэ алтыһан үлэлэһэр саха тылын, литературатын учууталын Иннокентьева Лидия Григорьевналыын бары бииргэ, үөрэнээччи төрөппүтүн кытта ийэ тылга билиитин тургутан көрүүгэ аналлаах тэрээһини ыыттыбыт.
Күрэххэ кытыннылар 1 кылаастан Чирков Спартак, ийэтэ Надежда Юрьевна, Николаева Аэлита, ийэтэ Евдокия Семеновна, 2 кылаастан Алексеева Айгыына, ийэтэ Евдокия Александровна, Архангельская Инесса, эбэтэ Оксана Николаевна, 3 кылаастан Осипов Сережа, эдьиийэ Мария Андреевна, Унаров Айаал, саҥаһа Фаина Константиновна уонна 4 кылаастан Прокопьева Сандаара, ийэтэ Саргылаана Захаровна, Елисеев Валера, ийэтэ Ньургустаана Николаевна кылаастарын чиэһин көмүскээтилэр.
Күрэх 6 түһүмэхтэн турда.
Бастакы түһүмэх — түргэн күрэх. Разминка. Темата саха сиригэр сыһыаннаах боппуруостарга 1 мүнүүтэ иһигэр эппиэттээһин.
Иккис түһүмэх – бэриллибит тылтан 1 мүнүүтэ иһигэр тыллары таһаарыы.
Үһүс түһүмэх — слайдаттан хартыынаҕа ханнык тыл көстөрүн таайыы.
Төрдүс түһүмэх – өс хоһооннору ситэрии.
Бэһис түһүмэх — таблицаттан уочаратынан 4 түү боппуруос таайыы.
Алтыс түһүмэх – суруйааччылар, поэттар псевдонимнарын таайааһын
Тыҥааһыннаах күрэх түмүгүнэн «Гран при» хаһаайына — 2 кылаас, 1 миэстэ — 4 кылаас, 2 миэстэ — 3 кылаас, 3 миэстэ — 1 кылаас буоллулар. Кыайыылахтарга анал бириистэр, грамота, туоһу сурук туттарылынна. Кыттаачылар үөрэн – көтөн, өрө көтөҕүллэн, кэлэр сылга өссө күүскэ бэлэмнэнэн кэлиэх буолан тарҕастылар.
Ийэ тыл , сурук — бичик декадатыгар анаан, нэһилиэк үлэлээбэт дьонугар «Саха тыла -өркөн өйбүт» интеллектуальнай күрэх
Олохтоох ааптар, Алексеева Галина Алексеевна — Сайылык Кыыһа, «Санааларым -кынаттаах аттарым» диэн хоһооннорун хомууруунньугун иккис кинигэтин сүрэхтэниитэ.
Библиотечный урок для учеников 1 класса: экскурсия по библиотеке, знакомство СБА и с фондом библиотеки. Вручение памяток юным читателям.
«Иэйии» литературнай түмсүү чилиэннэрин кытта көрсүһүү
Арыылаах модельнай бибилэтиэкэтин, кылаабынай бибилэтиэкэрэ Галина Колодезникова
Навигация: Вернуться на главную страницу
