Биһиги биир дойдулаахпыт, Хампа нэһилиэгин олохтооҕо Алексеева Галина Алексеевна-Сайылык Кыыһа «Санааларым—кынаттаах аттарым» диэн хоһооннорун хомууруунньугун иккис кинигэтин сүрэхтэниитэ буолла
Олунньу 12 күнүгэр, Бүлүү улууһугар «Төрөөбүт тыл, сурук-бичик» күннэрэ саҕаланна.
Бу чэрчитинэн киин библиотекаҕа олохтоох автор – РФ потребительскай кооперациятын туйгуна, ветерана, СР потребительскай кооперациятын бочуоттаах үлэһитэ, үлэ ветерана, «Бүлүү саһарҕата» айар куттаахтар түмсүүлэрин чилиэнэ, «Иэйии» литературнай түмсүү чилиэнэ Хампа нэһилиэгин олохтооҕо Алексеева Галина Алексеевна-Сайылык Кыыһа «Санааларым—кынаттаах аттарым» диэн иккис кинигэтин сүрэхтэниитэ буолла.
Кинигэ Бүлүү куоратын Спектр+ типографиятыгар 112 сирэйдэнэн верскаланан, Дьокуускай куоракка «Офсет» типографияҕа 200 экземплярынан таҕыста. Литературнай редакторынан «Бүлүү саһарҕалара» түмсүү салайааччыта, Саха суруйааччыта Николай Иванов үлэлээтэ.
Автор бу иккис кинигэтин төрөөбүт Кэбээйитин улууһа төрүттэммитэ 80 сылыгар, оҕо-эдэр сааһа ааспыт Сайылык бөһүөлэгэ төрүттэммитэ 65 сылыгар уонна бэйэтин үбүлүөйдээх 65 сааһыгар анаан үтүө-мааны дьонугар сэргэтигэр бэлэх уунар.
Үгүс хоһооннорун самодеятельнай композитордар — Роман Степанов, Иван Туласынов, мелодист Афанасий Никифоров, виртуоз-хомусчут, ырыаһыт Дьүрүйээнэ ырыа гынан көтүппүттэрэ.
Бу күн ыалдьытаатылар: Саха сирин суруйааччыларын сойууһун чилиэнэ, «Үрүҥ көмүс бөрүө» литературнай түмсүү салайааччыта, «Бүлүү саһарҕата» литературнай түмсүү чилиэнэ Луиза Георгиевна Прокопьева, Кэбээйи улууһун Мукучу нэһилиэгин модельнай библиотекатын салайааччыта Ия Николаевна Им, «Алгыс» сынньалаҥ киин салайааччыта Надежда Николаевна Иванова, «Бүлүү саһарҕаларын» түмсүүтэ, олохтоох автор Акыым Дуолан, «Бүлүү сарыала» литературнай түмсүү, Хампатааҕы «Далбар» түмсүүттэн Анна Дмитриевна Чиркова, Хампа нэһилиэгиттэн «Иэйии» литературнай түмсүүттэн Нина Тимофеевна Егорова, Хампа нэһилиэгин аҕам саастаахтар сэбиэттэрин салайааччыта, олохтоох автор Мария Дмитриевна Осипова, Фекла Саввична Каратаева, чугас дьүөгэлэрэ, аймаҕа Евфросиния Петровна Дмитриева уо.д.а.
Автор хоһоонноруттан ааҕан иһитиннэрдилэр: Вера Томская, Надежда Иванова, Кристина Буслаева, Алена Иванова, Николай Афанасьев, Мария Иванова, «Дьулуур» оҕолор ааҕар бөлөхтөрө, Бүлүүтээҕи 1№ алын сүһүөх оскуола үөрэнээччилэрэ, уонна Бүлүүтээҕи 1№ алын сүһүөх оскуола 2 «б» кылаас үөрэнээччитэ Уйгун Охлопков кытыннылар.
Сайылык Кыыһа аҕыйаҕа суох хоһооннорун Роман Степанов, мелодист Афанасий Никифоров, Виртуоз хомусчут, ырыаһыт Дьүрүйээнэ, самодеятельнай композитор Иван Туласынов матыыпка түһэрэн ылбаҕай ырыаҕа кубулуппуттар.
Ырыаларын ыллаан иһитиннэрдилэр: Нина Варламова, Августина Семенова, Галина Алексеевна сиэн кыргыттара — Сандаара Прокопьева, С.Гоголев аатынан Хампа орто оскуолатын 4 кылааһын үөрэнээччитэ, Нарыйаана Ноговицина 1 кылаас үөрэнээччитэ. Кыыһа Күннэй Ноговицына, Иван, Елена Туласыновтар.
Үлэлэммит үлэ өссө да инникитин сөптөөх сыананы ылыа турдаҕа. Бу кинигэ Бүлүү, Саха сирин, көмүс фондатыгар бэйэтин сөптөөх миэстэтин булуо диэн эрэнэбит, элбэх дьон туһаныа, ылан ааҕыа, кэрэхсиэ диэн эрэнэбит.
Мария Иванова, КОО кыл. бибилэтиэкэрэ
Навигация: Вернуться на главную страницу