Тохсунньу 18 күнүгэр Бүлүү куорат 11 кылааһын үөрэнээччилэрин алтан чуораан аһаҕас уруокка ыҥырда. «Кимиэхэ эмэ, баҕар, мин бэйэм суол буолуоҕум…» диэн саха норуотун уһулуччу талааннаах суруйааччыта, народнай поэт И.М. Гоголев – Кындыл 87 сааһыгар аналлаах сонун тэрээһини улуустааҕы киин библиотека, «Алгыс» сынньалаҥ киинин кытта кыттыһан тэрийдилэр. Саҥа бырайыак былаан быһыытынан сыл аайы ыытыллар, ол тэрээһинэ оскуолаттан оскуолаҕа эстафета быһыытынан көһөн иһэр.
Суруйааччы Кындыл Уйбаан 65 сааһыгар дойдутугар Бүлүүгэ кэлэ сылдьан биир дойдулаахтарыгар эппит тылларын талааннаах инженер Иванов Д. Т. видеоҕа устан, дискэҕэ көһөрбүтэ, урут көрө илик дьоҥҥо соһуччу сонун буолан сэргэхситтэ, сорохтору долгутта, бэйэтэ кэлэн кэпсэппит курдук буолла.
Оҕолор 2016 сыллааҕы «Гоголев ааҕыыларын» чэрчитинэн «Уйулҕам угуйар тыынынан…» диэн улуустааҕы видеофильм конкурсун кыайыылаахтара Г.С. Донской аатынан 2-с №-дээх оскуола 4 «б» кылааһа туруорбут видеофильмнарын көрдүлэр (сал. Ефремова Р. С.). Аһаҕас уруокка СР суруйааччыларын союһун чилиэннэрэ Николай Иванович Иванов, Акыым Алексеевич Степанов-Акыым Дуолан, учууталлар, атын да ыҥырыылаах ыалдьыттар сырыттылар. Ыалдьыттар, оҕолор Кындыл Уйбаан хоһооннорун аахтылар.
Түмүккэ үөрэҕирии управлениетын кылаабынай специалиһа М. П. Слепцова эстафета эмблематын Г. И. Чиряев аатынан 1 №-дээх оскуолаҕа саха тылын учууталыгар туттарда.
Матырыйаалы бэлэмнээтэ кыраайы үөрэтэр отдел кылаабнай бибилэтиэкэрэ М. П. Дмитриева.
Хаартыскаҕа түһэрии: библиограф Л. С. Капитонова
Видео