«Пушкин — биһиги үйэбитигэр…»

Бэс ыйын 6 күнүгэр нуучча улуу суруйааччыта Александр Сергеевич Пушкин төрөөбүт күнэ. Бу күн — «Пушкин-биһиги үйэбитигэр…» диэн тэрээһини улуус киин уонна оҕо библиотекатын үлэһиттэрэ тэрийэн ыыттылар…
219 сыл анараа өттүгэр улуу поэт күн сирин көрбүтэ. Биһиги дойдубутугар Пушкины билбэт, кини айымнньытын аахпатах киһи суоҕа буолуо.

Бүлүүтээҕи педагогическай колледжка омук тылын үөрэтэр лааҕыр оҕолоро, Ыччат, уонна дьиэ кэргэн отдела, “Алгыс» сынньалаҥ киинин үлэһиттэрэ, 1 нүөмэрдээх алын оскуола «Здоровейка» лааҕырын оҕолоро, ааҕааччылар кыттыыны ыллылар.
Ульяна Васильева, БПК омук тылын преподавателэ «Я помню, чудное мгновенье» хоһоону омук тылынан, Вадим Петров, Бүлүүтээҕи 3 № орто оскуола 9 кылааһын үөрэнээччитэ «К Чаадаеву» диэн хоһоону нууччалыы английскайдыы ааҕан иһитиннэрдилэр.
Быйыл Платон Алексеевич Ойуунускай төрөөбүтэ 125 сылын туолар. Ойуунускай тылбааһыгар «Алгыс» сынньалаҥ киинин үлэһиттэрэ “Бороруок» -“Пророк”, «Кынчаал» -“Кинжал”, «Былыт» — “Туча” А. С. Пушкин хоһооннорун костюмированнай таҥастаах тахсан аахтылар.
А.С.Пушкин айымнньыларынан оҕолорго аналлаах викторинаны оҕо библиотекатын гл. бибилэтиэкэрэ А. И. Чемпорова ыытта.
“Здравствуй, племя младое, незнакомое…”, “Пушкин уонна Ойуунускай” кинигэ быыстапкалара тэринилиннилэр.

«Пушкин кэминээҕи сэлээппэ күрэҕэр» 19 оҕо кыттыыны ылла.
Түмүккэ 1 миэстэлэри
кыраларга:
— «Туллукчаан» оҕо саадын иитиллээччитэ Иванова Сайаана;
оскуола оҕолоругар:
— ВНОШ №2, 1 «а» кылааһын үөрэнээччитэ Анисимова Даяна;
улахан дьоҥҥо:
Ульяна Афанасьевна Васильева ыллылар.

«Көҥүл микрофоҥҥа» ким баҕалаах, ааһан иһэр дьоннор, ыалдьыттар, ааҕааччылыр, оҕолор Пушкин хоһоонноруттан аахтылар.
Оҕолор болҕомтолорун «дьиҥнээх» Пушкины кытта илии тутуһуу, хаартыскаҕа түһүү уонна фотозоналар ордук тартылар.

Мария Иванова, КОО кыл. бибилэтиэкэрэ



Навигация: Вернуться на главную страницу 

Оставить комментарий