Муус устар 2-5 күннэригэр Бүлүүтээҕи оҕо бибилэтиэкэтигэр «КИНИГЭ – ОҔО БАСТЫҤ ДОҔОРО» – кинигэ нэдиэлэтин бырааһынньыга үөрүү-көтүү аргыстаах буолан ааста! Быйылгы тэрээһин Россияҕа Дьиэ кэргэн, СӨ Оҕо, тапталлаах Бүлүүбүт к. төрүттэммитэ 390, Оҕо библиотеката арыллыбыта 75 үбүлүөйдээх сылларыгар ананна!
МУУС УСТАР 2 КҮНҮГЭР
оҕо-аймах толору мустан Биир кинигэ тыһыынча киһини үөрэтэр – диэн бэргэн этиигэ кыттыһан, залга толору мустубут оҕолор быйылгы үбүлүөйдээх остуоруйа геройдарын Снежнай королевалыын, Билбэтчэйдиин, Бармалейдыын көрсөннөр кинилэр көрдөөх оонньууларыгар астына оонньоотулар.
Үөрүүлээх тэрээһиҥҥэ кыттыыны ыллылар, кэлэн киэргэттилэр: Милена Борисова тылларыгар, мелодиятыгар «Сибэккилэр» ырыаннан Бүлүүтээҕи 1№-дээх уопсай үөрэхтээһин начаальнай оскуола 1«б»кылааһын үөрэнээччилэрэ, кылаас салайааччыта Наталья Ивановна Константинова.
«Биһикчээн» оҕо уһуйаанын оскуолаҕа киириэн иннинээҕи оҕолоро «Мин – Бүлүүбүн» хоһоону дьоһуннаахтык ааҕаннар, дохсун ытыс тыаһынан уруйданнылар.
Үтүөнү баҕаран, лыах курдук дайаннар көрдөөх үҥкүүнү бэлэх ууннулар Бүлүүтээҕи 1№-дээх уопсай үөрэхтээһин начаальнай оскуола 2 «а» кылааһын үөрэнээччилэрэ, кылаас салайааччыта Елизавета Петровна Степанова.
Эти-сиини уһугуннаран, хаан эргиирин түргэтэтэн бука бары флешмоб үүҥкүүлээн, үбүлүөйдээх сылы арыйар минньигэс туорду амсайыыннан бу нэдиэлэ бастакы тэрээһин күнэ түмүктэннэ.
оҕо суруйааччыта, тылбаасчыт, сценарист, Саха сирин суруйааччыларын союһун чилиэнэ, журналист, Россия журналистарын союһун чилиэнэ – Раиса Егоровна Винокурова-Хаар Мичээрэ 65 сыллаах үбүлүөйүгэр «Кыһыл көмүс таммахтар» уһуйаан иитиллээччилэригэр уус-уран ааҕыы күрэҕэ буолан ааста.
Оҕолор, Раиса Егоровна Винокурова-Хаар Мичээрэ айылҕа, төрөөбүт дойду туһунан суруйбут хоһооннорун үөрэтэн, күрэххэ бэлэмнэнэн кэлэн уус-ураннык ааҕан долгуйа кытыннылар.
Күрэҕи иилээн-саҕалаан ыытта Туяра Федоровна Васильева. Дьүүллүүр сүбэҕэ: Абрамова Екатерина Дмитриевна Староватов аатынан кыраайы үөрэтэр түмэл методиһа, Чемпорова Анна Ивановна – оҕо библиотекатын кылаабынай бибилэтиэкэрэ, Егорова Мария Егоровна оҕо библиотекатын кылаабынай библиограба үлэлээтилэр.
Кыайыылаахтары быһааран дьүүллүүр сүбэ түмүгүнэн:
4-5 саастаахтарга:
1 миэстэ – Афанасьев Эрсан, «Бүлүүчээнэ» уһуйаан иитиллээччитэ «Күннээх азбука» хоһоону ааҕан;
2 миэстэ – Матвеева Анна, «Биһикчээн» уһуйаан иитиллээччитэ «Үрүйэ» хоһоону ааҕан;
3 миэстэ – Акимов Тимур, «Кустук» уһуйаан иитиллээччитэ «Кымырдаҕас» хоһоону ааҕан.
6-7 саастаахтарга:
1 миэстэ – Иванова Алиса, «Бүлүүчээнэ» уһуйаан иитиллээччитэ «Дьүөгэлиилэр» хоһоону ааҕан;
2 миэстэ – Томская Альмира, «Аленушка» уһуйаан иитиллээччитэ «Ыра санаам кытыла» хоһоону ааҕан;
3 миэстэ – Осипова Нарыйаана, «Аленушка» уһуйаан иитиллээччитэ «Кыһыл көмүс таммахтар» хоһоону ааҕан;
Бөлөҕүнэн ааҕыыга:
4-5 саастаахтарга:
1, 2 миэстэлэри «Куобахчаан» уһуйаан иитиллээччилэрэ.
6-7 саастаахтарга:
1 миэстэ «Биһикчээн» уһуйаан иитиллээччилэрэ.
2 миэстэни «Аленушка» уһуйаан иитиллээччилэрэ.
Раиса Егоровна Винокурова ымыы гынан көтүппүт хоһооннорун күрэҕэр кыттаннар оҕолор үөрэн-көтөн тарҕастылар. Бука барыгытыгар кыттыыны ылан, иэйиигитин үллэстибиккитигэр Оҕо библиотекатын үлэһиттэрин аатттарыттан махтанабыт!
«ХОҺООНУ ДОҔОР ОҤОСТОН» диэн ааттаах көрсүһүү, киэҥ араҥаҕа билиһиннэрэр сыаллаах Республика уонна Россия араас муннуктарыгар биһирэбили ылбыт, талбыт идэтинэн өр сылларга үлэлии-хамсыы сылдьар Бүлүү улууһун ырыа куттаах дьонунан биллибит Тоҕус нэһилиэгин библиотекара, СӨ культуратын туйгуна, хомоҕой хоһооннордоох Анастасия Марковна Егоровалыын буолла. Көрсүһүү кини хоһооннорун, ырыаларын истэ-истэ кэпсэтии, иһирэх сэһэргэһии туонатыгар барда.
Анастасия Марковна тылларыгар, Гаврил Пахомов мелодиятыгар «Ааҕар дьиэни таптыыбыт» ырыаннан клип көрдөрүүтүнэн саҕаланан, Бүлүүтээҕи «Аленушка» оҕо уһуйаана көрсүһүү буоларын истэннэр, үөрэннэр, Анастасия Марковна тылларыгар, Иван Константинов мелодиятыгар оҕолордуун, уһуйаан үлэһиттэрин кытта бииргэ өрө көтөҕүллэн тураннар уһуйаан гимнин толороннор олуһун долгуттулар.
Анастасия Егорова айымньыларынан хоһоон ааҕыытын көрүү күрэҕин кыайыылаахтара Н. С. Степанов аат. 3№-дээх оскуола 1 «б» кылааһын үөрэнээччилэрэ салайааччы Акулина Николаевна Петрова «Барабыай», «Кутуйахчаан» хоһоону аахтылар.
«Кинигэ көмөтө суох өй, кыната суох чыычаахха тэҥнээх» дииллэринии, кинигэ билии төрдө буоларынан «Кинигэни ааҕыҥ» хоһоону аахтылар Бүлүүтээҕи гимназия 5 «б» кылааһын үөрэнээччилэрэ.
Төрөөбүт дойдуну таптыырга, бэриниилээх буоларга «Сахам сирэ» диэн хоһоону аахта И. Л. Кондаков аат. Бүлүүтээҕи гимназия 8 кылааһын үөрэнээччитэ Диана Егорова.
Анастасия Егорова 40 тахса хоһоонноро ырыа буолбуттар. Анастасия Егорова тылларыгар, Татьяна Соловейчикова мелодиятыгар «Күн» ырыаннан кыттыыны ыллылар Н. С. Степанов аат. 3№-дээх оскуола 2 «б» кылааһын үөрэнээччилэрэ кылаас салайааччыта Дария Алексеевна Протопопова, музыкальнай салайааччы Кыдаана Ивановна Егорова. Анастасия Марковна төрөөбүт дойдутуттан Тааһаҕар нэһилиэгиттэн ыалдьыттаата Кыдаана Поскачина. Анастасия Егорова тылларыгар, Марианна Макарова-Барахсаана мелодиятыгар «Тааһаҕарга хаар түһэр» ырыаннан эҕэрдэлээтэ.
2010с. Тыымпы библиотекатын иһинэн тэриллибит, элбэх конкурстар лауреаттара «Чуораанчык» кукольнай театральнай студия кыттыылаахтара куклаларынан саха намыын үҥкүүтүн, эрчимнээх восточнай үҥкүүнү көрдөрөннөр олус астыннардылар, сөхтөрдүлэр. Сылдьыбыт дьон бэрт сэргэх тэрээһин буолбутун бэлиэтээн махтаннылар. Тэрээһин минньигэс туорт амсайыытынан, үөрүүлээх быһыыга-майгыга түмүктэннэ.
дьиэ кэргэн сүдү оруолун суолталаан 2024 с. Россияҕа Дьиэ кэргэн сылынан биллэриллибитинэн, СӨ Аҕа уонна уол оҕо күннэрин көрсө «Аҕа уонна уол – биир ситим» күрэх ыытылынна. Күрэххэ Бүлүү к, улуус нэһилиэктэриттэн кытта киирбиттэрэ тэрээһин суолтатын үрдэттэ.
Ол курдук Бүлүү к. кытыннылар Иван, Чолбон Митясовтар, Василий, Эрсан Степановтар, Чинэкэттэн Александр, Костя Михайловтар, Өкүндүттэн Николай, Вадим Ивановтар, Бөтүҥтэн Александар, Айхан Кириллиннэр.
Барыта 5 түһүмэхтэн турар көрүҥнэр биир тыынынан, олус интэриэһинэйдик, көхтөөхтүк түмүктэннилэр.
- «Мин кимминий?» түһүмэххэ — уол, аҕа утарыта туран тылларынан быһааран остуоруйа геройдарын таайыы.
- «Сүгэ кыайбатаҕын – сүбэ кыайар» түһүмэххэ экраҥҥа биллэр остуоруйаларынан ребустары таайыы.
- 5 чахчы — бэриллибит чахчыларынан кыыллары таайыы.
- «Саха оҕуһун мииннэ да ыллаабытынан барар» диэҥҥэ, балаһыанньаҕа олуһун салыннарбыт түһүмэх — киэҥник биллэр ырыа мелодиятыгар өс хоһоон тылларынан ырыа ыллааһыннара, тылларын мелодияҕа түбэһиннэрбит сатабыллара олуһун диэн сөхтөрдө, астыннарда.
- «Киһи сатаабата диэн суох» – түһүмэх сатабыл аргыстаах көрдөөх оонньууларынан түмүктэннэ.
Чинэкэ нэһилиэгиттэн Александр, Костя Михайловтар кыайыы өрөгөйүн ситистиһэн, үөрдүлэр-көттүлэр. Кыттыбыт дьоммут дьиэ кэргэттэригэр дьолу, ситиһиилэри, сырдыгы, кэрэни түстүүллэригэр, үтүөнү үксэтэллэригэр, бигэ туруктаах буолалларыгар баҕарабыт.
Оҕо кинигэтин нэдиэлэтин чэрчитинэн «Из мусорной кучки – классные штучки» экологическай оҥоһук күрэҕэ оскуолаҕа киириэн иннинээҕи уонна оскуола оҕолоругар 3 номинациянан ыытылынна. Уопсайа 30 тахса үлэ киирдэ.
Уһуйаан иитиллээччилэригэр:
«Сказочный персонаж» номинацияҕа:
1 миэстэ – Иванова Нарыйаана, «Куобахчаан» уһуйаан иитиллээччитэ;
2 миэстэ – Варламова Ангелина, «Веселые нотки» уһуйаан иитиллээччитэ.
«Креативное украшение» номинацияҕа:
1 миэстэ – Ефипанова Сайаара, «Кустук» уһуйаан иитиллээччитэ;
2 миэстэ – Саввинов Арсен, «Солнышко» уһуйаан иитиллээччитэ.
«Красиво и полезно» номинацияҕа:
1 миэстэ – Егорова Алиса, «Аленушка» уһуйаан иитиллээччитэ;
2 миэстэ – Петрова Оля, «Биһикчээн» уһуйаан иитиллээччитэ;
2 миэстэ – Корякин Степан, «Веселые нотки» уһуйаан иитиллээччитэ;
3 миэстэ – Протопопов Вадим, «Биһикчээн» уһуйаан иитиллээччитэ;
3миэстэ – Софронова Элла, «Веселые нотки» уһуйаан иитиллээччитэ.
Оскуола о5олоругар:
«Сказочный персонаж» номинацияҕа:
1 миэстэ – Иванова Кюннэй, Г.С. Донской аатынан №2 орто оскуола 4 «б» кылаас үөрэнээччитэ.«Креативное украшение» номинацияҕа:
1 миэстэ – Попова Вероника, 1 № алын сүһүөх оскуола 1 «б» кылаас үөрэнээччитэ;
2 миэстэ – Варламова Юлиана, 1 № алын сүһүөх оскуола 3 «а» кылаас үөрэнээччитэ..
«Красиво и полезно» номинацияҕа:
1 миэстэ – Иванова Виолетта, Г.С. Донской аатынан 2 № орто оскуола 3 «б» кылаас үөрэнээччитэ.
1 миэстэ – Казаков Алеша, Н.С. Степанов аатынан 3 № орто оскуола 6 кылаас үөрэнээччитэ.
1 миэстэ – Сивцева Виктория, Н.С. Степанов аатынан 3 № орто оскуола 6 кылааһын үөрэнээччитэ.
2 миэстэ – Алексеева Альбина, Н.С. Степанов аатынан 3 № орто оскуола 2 «в» кылааһын үөрэнээччитэ.
2 миэстэ – Алексеева Вероника, Н.С. Степанов аатынан 3 № орто оскуола 5 «а» кылааһын үөрэнээччитэ.
2 миэстэ – Варламов Борис, Г.И. Чиряев аатынан 1 № орто оскуола 6 «в» кылааһын үөрэнээччитэ.Ону сэргэ «Мой папа супер герой» уруһуй күрэҕэ оскуолаҕа киириэн иннинээҕи уонна оскуола оҕолоругар ыытылынна. Уопсайа 20 тахса үлэ киирдэ.
Уһуйаан иитиллээччилэригэр:
1 миэстэ – Алексеева Санаайа, «Солнышко» уһуйаан иитиллээччитэ;
2 миэстэ – Афанасьева Кристина, «Биһикчээн» уһуйаан иитиллээччитэ;
3 миэстэ – Егорова Кира, «Веселые нотки» уһуйаан иитиллээччитэ.
Оскуола оҕолоругар:
1 миэстэ – Варламова Юлиана, 1 № алын сүһүөх оскуола 3 «а» кылааһын үөрэнээччитэ;
2 миэстэ – Мальцев Костя, Г.С. Донской аатынан 2 № орто оскуола 3 «б» кылааһын үөрэнээччитэ;
3 миэстэ – Абрамова Асель, 1 № алын сүһүөх оскуола 1 «б» кылааһын үөрэнээччитэ.
Бары кыттааччыларбытыгар махтанабыт. Инникитин кытта туруоххут диэн эрэнэбит.
Бүлүүтээҕи оройуоннай оҕо бибилэтиэкэтэ
∗в оформлении обложки страницы использован логотип «Недели детской книги – 2024» РГДБ.
