«Панорама» телестудия «Көмүлүөк суоһугар», «Баары, баарынан эттэххэ…» диэн биэриилэринэн, дьон-сэргэ сэҥээриитин ылбыт, сытыы тыллаах суруналыыс, публицист, чуо тыллары чочуйар хоһоонньут, биллэр-көстөр бөдөҥ киһибит Василий Васильевич Павлов – Макаар-Мыла «Суруйар алыпка ылларан…» диэн айар үлэтигэр саҕаһа буолбут кыракый кинигэтэ тахсыбытынан сэдиптээн, айар киэһэтэ буолан ааста.
Новости
Макаар Мыла айар киэһэтигэр ыҥырабыт
Улуустааҕы киин библиотека, тохсунньу 30 күнүгэр, 15.00 ч. Захаров И. Ф. – Кылыадьы Уус аатынан, хомус түмэлигэр биһиги биир дойдулаахпыт — поэт, РФ суруналыыстарын Союһун чилиэнэ Василий Васильевич Павлов – Макаар Мыла «Суруйар алыпка ылларан» диэн айар киэһэтигэр ыҥырар! Убаастабыллаах, Бүлүү к. олохтоохторо уонна ыалдьыттара, кэлэн сылдьыҥ, сэргээҥ, эйгэҕитин кэҥэтиҥ!
Суруйааччы айымньыларын уонна айар үлэтин туһунан Электроннай библиотекабытыгар ааҕыҥ!
Иван Гоголев-Кындыл үбүлүөйүгэр аһаҕас уруок
Тохсунньу 18 күнүгэр, Саха народнай поэта Иван Михайлович Гоголев-Кындыл төрөөбүтэ 90 сылыгар аналлаах үбүлүөйдээх АҺАҔАС УРУОГУ Советскай Союз Геройа Н. С. Степанов аатынан Бүлүүтээҕи 3№ оскуола тэрийэн ыытта. Бу күн оскуолаҕа алтан чуораан чугдаарда, поэт хоһоонноро ааҕылыннылар, олоҕун, айар үлэтин кэпсиир быыстапка тэрилиннэ.
Көрсүһүүгэ ыҥырабыт
Тохсунньу 17 күнүгэр, улуустааҕы киин библиотека ааҕар саалатыгар, күнүс 14 чаастан Саха народнай суруйааччыта, Духуобунас Академиятын вице-президенэ Николай Алексеевич Лугиновы уонна поэт, литератураны ырытааччы, тылбаасчыт Урсун — Николай Егорович Винокуровы кытта көрсүһүүгэ, сэргэх сэһэргэһиигэ ааҕааччыларбытын ыҥырабыт. Кэлиҥ, истиҥ, көхтөөх кыттыыны ылыҥ!
Көрсүһүү Иван Гоголев – Кындыл төрөөбүтэ 90 сылын бэлиэтиир тэрээһиннэр чэрчилэринэн ыытыллар.
«Бэйэбэр бэйэм уустук, мин таабырын буолабын…»: онлайн-тест
Тохсунньу 18 күнүгэр, саха народнай поэта Иван Михайлович Гоголев — Кындыл төрөөбүтэ 90 сылын бэлиэтиибит. Убаастабыллаах ааҕааччылар! Оройуоннааҕы оҕо библиотеката бэлэмнээбит, суруйааччы олоҕор, айар үлэтигэр аналлаах ОНЛАЙН-ТЕСТКА киирэн, бэйэҕит билиигитин тургутан көрөргө ыҥырабыт.
Уважаемые читатели! Поздравляем с наступающим Новым 2020 годом!
Режим работы в праздничные дни:
28 и 29 декабря библиотека работает по расписанию
30 декабря — с 10:00 — 18:00
С 31 декабря 2019 года по 8 января 2020 года библиотека закрыта.
Эдэр ыччакка Степан Аржаков туһунан
Тохсунньу ый 17 күнүгэр Бүлүүтээҕи киин библиотекаҕа С. М. Аржаков аатынан Бүлүүтээҕи оҕо дьиэтин иитиллээччилэрэ кэлэн ыалдьытаатылар.
Оҕолорго библиотека үлэһиттэрэ «Выдающиеся люди Республики» серияҕа тахсыбыт Саха сирин уһулуччулаах судаарыстыбаннай, общественнай-политическай деятелин «Степан Аржаков» туһунан кинигэни сиһилии билиһиннэрдилэр.