Суруйар алыпка ылларан…

1439205322-300x196«Панорама» телестудия «Көмүлүөк суоһугар», «Баары, баарынан эттэххэ…» диэн  биэриилэринэн, дьон-сэргэ сэҥээриитин ылбыт, сытыы тыллаах суруналыыс, публицист, чуо тыллары чочуйар хоһоонньут, биллэр-көстөр бөдөҥ киһибит Василий Васильевич Павлов – Макаар-Мыла «Суруйар алыпка ылларан…» диэн айар үлэтигэр саҕаһа буолбут кыракый кинигэтэ тахсыбытынан сэдиптээн, айар киэһэтэ буолан ааста.

Тохсунньу 30 күнүгэр, Бүлүү куорат  Иван Захаров-Кылыадьы Уус аатынан Хомус түмэлигэр, бары билэр, убаастыыр, ытыктыыр киһибит, РФ суруналыыстарын Союһун чилиэнэ, Саха тэлэбидиэнньэтин уонна араадьыйатын туйгуна, «Бүлүү саҕахтара» хаһыат кылаабынай редакторынан таһаарыылаахтык үлэлээбит, саха араадьыйатыгар күннэтэ улууһун туһунан сойбот сонуннары иһитиннэрбит, Бүлүү телевидениетын «Панорама» телестудия нэдиэлэ ахсын «Көмүлүөк суоһугар», «Баары, баарынан эттэххэ…» диэн  биэриилэринэн, дьон-сэргэ сэҥээриитин ылбыт, сытыы тыллаах суруналыыс, публицист, чуо тыллары чочуйар хоһоонньут, биллэр-көстөр бөдөҥ киһибит Василий Васильевич Павлов – Макаар-Мыла «Суруйар алыпка ылларан…» диэн айар үлэтигэр саҕаһа буолбут кыракый кинигэтэ тахсыбытынан сэдиптээн, айар киэһэтэ буолан ааста.

Макаар Мыла 1995 с. «Олох суола» хаһыакка үлэлии киирэр. Ол үлэлии сылдьан «Бүлүү саһарҕалара» литературнай түмсүүнү салайан салгыы таһаарыылаахтык үлэлэппит.

 Макаар Мыла Бүлүү телевидениета сайдарыгар үтүө, сонун суолу хаалларбыт киһи буолар, олохтоох телевидение эфиргэ тахсар эрдэҕинэ көрөөччү манаһар-кэтэһэр, күүтэр этэ, ол улахан төрүөтүнэн биллэн турар Макаар Мыла ыытар биэриилэрэ буолар. «Көмүлүөк суоһугар…», «Баары баарынан эттэххэ…» авторскай биэриилэрэ обществаҕа тирээн турар сытыы боппуруостары таарыйыылара буолар.

Макаар Мыла үгүс хоһоонуттан 3 хоһооно ырыа буолан уостан түспэккэ ыллана сылдьар. Ол курдук республикабытыгар биллэр-көстөр дьоннор: Валерий Ноев «Тугутчаан» хоһоонугар, Галина Шахурдина «Эн буолууй» хоһоонугар мелодия суруйбуттара, уостан түспэт ырыа буолан сылдьаллар, самодеятельнай композитор Владимир Васильев «Сурук» диэн хоһоонугар олус табыллыбыт, дириҥ ис хоһоонноох ырыата ылланар.

Бу киэһэ кини айар үлэтин сэргээччилэр, бииргэ алтыспыт, үлэлээбит доҕотторо, үөлээннэхтэрэ кэлэн ыалдьыттаатылар, Макаар Мыла үөлээннээхтэригэр, библиотека үлэһиттэригэр, хоһоон аахпыт дьоҥҥо махталын биллэрдэ.

Улуус баһылыга Сергей Николаевич Винокуров кини үлэлээбит үлэтин биһириирин, сыаналыырын иһитиннэрдэ.

«Тыл-этии үүннэрин сыымайдаан…» диэн суруйааччы айар үлэтин уонна олоҕун сырдатар кинигэ быыстапката тэрилиннэ.

Бу тэрээһини иилээн-саҕалаан улуустааҕы кииннэммит библиотека үлэһиттэрэ ыыттылар.

Түмүккэ ааҕааччыларга, Улуус библиотекатын Электроннай библиотекатыгар Макаар Мыла үс кинигэтэ 2019 с. оцифровкаммытын, электроннай копията интернет киэҥ эйгэтигэр ааҕарга бэлэмин санаттылар.

Кэлбит ыалдьыттар көмүлүөк уотун сылааһыгар ирэ-хоро кэпсэтэн тарҕастылар.

Мария Иванова, КОО кыл. бибилэтиэкэрэ



Навигация: Вернуться на главную страницу

Оставить комментарий

EnglishРусский

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.
(требование ФЗ №152. Статья 9 "Согласие субъекта персональных данных на обработку его персональных данных.

Даю согласие на обработку моих персональных данных
Обратная связь