Серафим Романович Кулачиков — Эллэй төрөөбүтэ 115 сылыгар

1439205322-300x196Бүлүүтээҕи оҕо библиотеката, ахсынньы ыйга, Саха бастакы норуодунай поэта, тылбаасчыта, публицист, фронтовик-суруйааччы — Серафим Романович Кулачиков-Эллэй төрөөбүтэ 115 сылын туолар өрөгөйдөөх үбүлүөйүн көрсө «Эһиги  миигин өйдүөххүт…» диэн ааттаах улуустааҕы уус-уран ааҕыы күрэҕин тэрийдэ.

Уус-уран ааҕыы күрэҕэ икки түһүмэҕинэн саастарынан араарыллан ыытылынна. Уопсайа 40 оҕо кытынна. Оҕолор бары кыһамньылаахтык бэлэмнэммиттэрэ, поэт хоһооннорун үрдүк таһымҥа аахпыттарыттан көһүннэ.

Тэрээһин сүрүн эппиэттээх дьонунан Булуутээҕи оҕо библиотекатын улэһиттэрэ буоллулар. Күрэҕи иилээн-саҕалаан ыытта Васильева Т.Ф.

Түмүк тахсарын күүтэ таарыйа оҕолор араас көрдөөх ыйытыктарга хоруй биэрдилэр, таабырын таайдылар, Эллэйгэ аналлаах кинигэ быыстапкатын билистилэр.

Дьүүллүүр сүбэ — Мария Степановна Алексеева, Алгыс сынньалаҥ киинин специалиһа, хас биирдии оҕо хайдах аахпытын, туохха сыыспытын ыйда, сүбэ биэрдэ, хайҕаата. Үчүгэйдик аахпыт оҕолору бэйэтигэр бэлиэтэннэ, инникитин буолар тэрээһиннэргэ ыҥыран кытыннарарын түһүнан эттэ.

Дьүүллүүр сүбэ сыаналаан маннык түмүк таһаарда:

Алын сүһүөх оҕолоругар:

1 миэстэОхлопков Уйгун,  «Капитан Гастелло» (1-кы нүөмэрдээх оскуола 4 «б» кылаас);
2 миэстэВасильев Сарыал, «Барабан ырыата» (1-кы нүөмэрдээх оскуола 3 «б» кылаас);
3 миэстэКаратаева Иванна «Таптыаҕыҥ ийэни» (1-кы нүөмэрдээх оскуола 2 «г» кылаас).

Орто сүһүөх оҕолоругар:

1 миэстэГоголев Женя «Үлэ күннэрэ» (И.Л. Кондаков  аатынан Бүлүүтээҕи гимназия 7«б» кылаас);
2 миэстэФомин Саша «Комсомолга» (Г.С. Донской аатынан 2-с нүөмэрдээх оскуола 7 кылаас);
3 миэстэСтаростина-Дранаева Валерия «Аҕам» (И.Л. Кондаков  аатынан Бүлүүтээҕи гимназия 7 «а» кылаас

Серафим Романович Кулачиков-Эллэй айымньыларын сүгүрүйээччилэрэ, кыттааччылара диэн, өйдүү-саныы сылдьарга  уопсай хаартыскаҕа түһүү буолла.

Хас биирдии оҕоҕо кыттыбытын туоһулуур туоһу сурук, 1-3 миэстэ иһин наҕараадалар, сыаналаах бириистэр туттарылыннылар. Бары үөрэн-көтөн тарҕастылар.

Серафим Романович Кулачиков-Эллэй төрөөбүтэ 115 сылын көрсө ыытыллыбыт «Эһиги  миигин өйдүөххүт…» уус-уран ааҕыы тэрээһинэ сүрүн сыалын ситтэ.

Күрэх кыайыылаахтарын, кыттааччыларын тэрийээччилэр ааттарыттан эҕэрдэлиибит. Талааҥҥыт арыллан, дьоҕургут сайдан истин!

Васильева Т.Ф., оҕо библиотекатын
сүрүннүүр бибилэтиэкэрэ


***

Серафим Романович 1904 сыллаахха сэтинньи 29 күнүгэр Боотуруускай улууска орто бааһынай дьиэ кэргэҥҥэ төрөөбүтэ. Айар үлэтин 1924 сыллаахтан, революционнай тыыннаах нууччалыы хоһооннору тылбаастааһынтан саҕалаабыта. 1925 сыллаахха хоһооннорун уонна тылбаастарын хомуйан «Кыһыл хоһоон» диэн маҥнайгы хомуурунньугун бэчээттэппитэ. Хоһоонноро дьоҥҥо-сэргэҕэ, ордук эдэр ыччакка биһирэнэн, хайҕанан киэҥ Сахабыт сирин тэлийэ көппүттэрэ, дьон уоһуттан түһэрбэт ырыалара буолбуттара. Айымньылара нууччалыы уонна араас омук тылларынан тылбаастаммыттара. Саха поэзиятын Аан дойду таһымыгар таһаарбыт дьонтон биирдэстэрэ буолар.

Серафим Романович Аҕа дойдуну көмүскүүр Улуу сэрии кыттыылааҕа. Буойун поэт дойдуну фашисттартан көмүскүүргэ ыҥырар уоттаах-төлөннөөх элбэх ырыалары-хоһооннору айбыта.

Серафим Романович Кулачиков-Эллэй саха поэзиятын бөдөҥ маастара, сүүрбэттэн тахса кинигэ автора. Суруйааччылартан бастакынан саха народнай поэта ааты сүкпүт киһинэн буолар.

Эллэй-дьиҥ-чахчы бэйэтин кэмин өрөгөйдөөхтүк туойбут уонна нарын лирическэй иэйиилээх поэт этэ.



Навигация: Вернуться на главную страницу

Оставить комментарий

EnglishРусский

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Даю согласие на обработку моих персональных данных
Обратная связь