«Ньургуйаана Ньургуһун» интерактивнай күрэххэ кыттыы, Бороҕон модельнай библиотеката

Ньургуһун күнүн көрсө, Горнайдааҕы «Үлэ» хаһыат редакцията уонна «Дьүрүскэн» улуустааҕы хоһоон айааччылар түмсүүлэрэ өрөспүүбүлүкэ олохтоохторугар бастакы «Ньургуйаана Ньургуһун» интерактивнай күрэх биллэрбиттэрэ.

Күрэх  балаһыанньата   —  Саха сиригэр тоҥ буору тобулан тахсар бастакы сибэкки туһунан поэттар хоһооннорун толоруу, аудиозапиһынан устан тэрийэр бөлөххө ыытыы.

Бу тэрээһиҥҥэ Бороҕоннооҕу модельнай библиотека актыыбынай кыттыыны ылла.

Бүлүү автора Константин Харлампьев хоһоонун аахтылар — Саввинова Айталина Анатольевна уонна Федорова Парасковья Степановна.


Эр дьонҥо, Саха норуодунай поэта Семен Данилов «Ньургуһун» хоһоонун аахта Федоров Семен Семенович.


Ньургуһуҥҥа сыһыаннаах бэйэ оҥорбут оҥоһугун «Мин ньургуһуннары таптыыбын» диэн күрэххэ  Саввинова Карина Бороҕон агрооскуолатын 2 кылааһын үөрэнээччитэ кытынна.

“Ньургуйаана Ньургуһун” республиканскай интерактивнай күрэх түмүгүнэн «Биһирэбил аат» номинацияны ылла  Бороҕон модельнай библиотекатын ааҕааччыта Федоров Семен Семенович уонна харчынан премияланна. Кыттыбыттарга барыларыгар “Туоһу сурук”  бэрилиннэ.  “Ньургуйаана Ньургуһун”  күрэххэ уопсайа 300 киһи кыттыбыт эбит.

Библиотека аатыттан күрэххэ кыттыбыт ааҕааччыларбын ситиһиигитинэн эҕэрдэлиибин!

Бороҕоннооҕу модельнай библиотека кыл. бибилэтиэкэрэ Саргылана Каратаева



Навигация: Вернуться на главную страницу

Оставить комментарий

EnglishРусский
Обратная связь