Оҕо кинигэтин күннэрин бэлиэтээһин түгэннэрэ

1439205322-300x196Муус устар саҥатыгар, Аан дойдутааҕы оҕо кинигэтин күнүн тэрээһинин чэрчитинэн, Бүлүү оройуонунааҕы оҕо библиотекатыгар Оҕо кинигэтин нэдиэлэтэ – билиэн-көрүөн баҕарар, ааҕар, кинигэни таптыыр оҕолор бырааһынньыктара буолан ааста. Быйылгы Оҕо кинигэтин нэдиэлэтэ – Театр сылыгар ананна.

Оҕо кинигэтин күнүн аан маҥнай аһыллыытын, сэрии ыар кэмнэригэр оҕолорго сырдыгы, үтүөнү бэлэхтээри, 1943 сыллаахха суруйааччы Лев Кассиль тэрийэн ыыппыта. Москубатааҕы Союз дьиэтин колоннай залыгар оҕолору кытта көрсүһэ, кинигэ күнүн бырааһынньыгын бэлиэтии Самуил Маршак, Корней Чуковскай, Агния Барто, Мария Прилежаева, Зоя Воскресенская, Сергей Михалков кэлбиттэрэ. Сорохторо сэрии хонуутуттан  анаан – минээн көҥүллэтэн кэлбиттэрэ оҕо кинигэтин күнүн үрдүк суолталаабыта. Ол курдук, биһиги оҕо библиотекабытыгар эмиэ, оҕону кыра эрдэҕиттэн ааҕыыга сыһыарар сыаллаах Оҕо Кинигэтин нэдиэлэтин сыл аайы бэлиэтиибит. Бу бырааһынньык ааҕыы эйгэтин сэргээччилэргэ, суруйааччыларга, библиотекардарга уонна кинигэни таптааччыларга элбэх саҥаны арыйар. Оҕо кинигэтин нэдиэлэтэ быйыл ананар кинигэттэн төрүөттэнэн тахсар театр алыптаах умсугутуулаах эйгэтигэр. Биһиги өрөспүүбүлүкэбит Россия хайа да регионнардааҕар Аан дойдуга киэҥник биллэр сайдыылаах, баай историялаах театрдарынан.

Оҕо кинигэтин нэдиэлэтин арыйыытыгар ырыа – тойук аргыстаах Бүлүү улууһун Тыымпы нэһилиэгин “Чуораанчык” кукольнай театр – студия иитиллээччилэрэ Анастасия Марковна Егорова салайааччылаах ыҥырыыбытын ылынан бырааһынньыкпытын киэргэтэн, көрөөччү биһирэбилин ылан, астыныахтарын астынан бардылар.

Нэдиэлэбит чэрчитинэн араас формалаах тэрээһиннэр ыытылыннылар: “Кумаахы алыптаах күүһэ” диэн кумаахынан оҥоһук күрэҕин кыттыылаахтарын үлэлэрин быыстапката тэрилиннэ. Күрэх кыайыылыахтарын Оҕо кинигэтин күнүн аһыллыытыгар  эҕэрдэлээн грамота, өйдөбүнньүк бириис туттарылынна. Оскуола алын сүһүөх кылаастарыгар үһүс миэстэ Харлампьев Даниил Бүлүүтээҕи алын сүһүөх оскуола 3 “в” кылааһын үөрэнээччитэ “Джунгли” үлэтинэн, иккис миэстэ Спиридонова Лиана Бүлүүтээҕи алын сүһүөх оскуола 3 “в” кылааһын үөрэнээччитэ “Попугай в золотой клеточке” үлэтинэн, бастакы миэстэ Егорова Полина Бүлүүтээҕи №2 Г. С. Донской аатынан оскуола 4 “а”  кылааһын үөрэнээччитэ “Зайчонок” үлэтинэн биһирэннилэр. Орто сүһүөх кылаастарга үһүс бочуоттаах миэстэ Васильев Владислав Бүлүүтээҕи №1 Г. И. Чиряев аатынан оскуола 7 “в” кылааһын үөрэнээччитэ “Полярная сова” үлэтинэн,  иккис миэстэ Окоемов Герман Кыргыдай Д. А. Гуляев аатынан орто сүһүөх оскуолатын 7 кылааһын үөрэнээччитэ “Дьиэ кыыллара” үлэтинэн, бастакы миэстэ Иванова Саскылаана Бүлүүтээҕи И. Л. Кондаков аатынан гимназия 8 “а” кылааһын үөрэнээччитэ “Алыптаах остуоруйалаах холбука” үлэтинэн кыайыылаах буоллулар.

Муус устар 3 күнүгэр кырачаан ааҕааччыларбытыгар уһуйаан иитиллээччилэригэр оҕо нуучча суруйааччыта Ирина Петровна Токмакова тоҕуһуон сааһын көрсө хоһоон ааҕыытын күрэҕэ буолла. Күрэхпит кыра уонна орто уһуйаан бөлөх, улахан уонна оскуолаҕа бэлэмнэнии бөлөх иитиллээччилэрин ааҕыылара диэн сыаналанна. Уопсайа уончака Бүлүү куорат уһуйаанын иитиллээччилэрэ сарсыарда уонна күнүс көхтөөхтүк кыттан, ким эрэ кыайан, ким эрэ долгуйан оҕо библиотекатын салгынын хамсатан аастылар. Кырачааттар бөлөхтөрүгэр бастакы Гоголев Слава “Веселые нотки” уһуйаан, иккис – Гоголева Аделина “Биһикчээн”, үһүс – Галашева Женя “Веселые нотки”, улахаттар бөлөхтөрүгэр бастакы – Томская София “ Веселые нотки”, иккис – Егорова Наталия “ Аленушка”, үһүс – Иванов Андриан “Биһикчээн” уһуйаан иитиллээччилэрэ дьүүллүүр сүбэ, көрөөччү биһирэбилин ылан дипломунан уонна өйдөбүньүк бирииһинэн наҕараадаланнылар.

Аныгыс күнүгэр оскуола оҕолоругар уустаан – ураннаан саҥарыы көрүҥэр “Лучше всех” диэн ааттаах күрэх ааста. Үгэһинэн саастарынан араартаан сыанабыл барда.  Алын кылаас оҕолоро үгэ, орто уонна улахан саастаах оҕолор монолог, прозаттан быһа тардыы ааҕыытыгар холонон көрдүлэр. Ордук ылыныылаахтык, итэҕэтиилээхтик, уустаан – ураннаан, артыыстаан дьон биһирэбилин ыллылар Федорова Ксения, Николаева Амелия, Хертек Илана, Семенова Николина, Федотова Юлиана.

Инникитин оҕолорго, күндү ааҕааччыларга, баҕарыа этибит:  таптааҥ кинигэ ааҕыытын, таптааҥ саҥаны билэри, таптааҥ төрөөбүт дойдугутун, таптааҥ сүрэххит тэбэрин тухары! Ис дууһаттан тапталынан суруллубут кинигэ киһи сүрэҕин аймыыр дьикти күүстээх, ол иһин уһун үйэлээх! Иэйииттэн этитиилээх ырыа — хоһоон, кэпсээн – остуоруйа уостан түспэт, симэлийэн сүтэн хаалбат алыптаах!

Оройуоннааҕы оҕо библиотеката



Навигация: Вернуться на главную страницу

Оставить комментарий

EnglishРусский
Обратная связь