Ырыа куттаах Уйбаан тула

Олунньу 7 күнүгэр Бүлүүтээҕи киин библиотека ааҕар саалатыгар «Төрөөбүт тыл уонна сурук-бичик» күнүгэр аналлаах декада чэрчитинэн Бүлүү фольклорун уонна ырыатын-тойугун үйэтитээччи, тарҕатааччы СӨ культуратын үтүөлээх үлэһитэ, СӨ культуратын туйгуна, самодеятельнай композитор, Саха сирин ырыа айааччыларын союһун чилиэнэ Иван Иванович Тулаһыновка аналлаах «Ырыа куттаах Уйбаана тула» диэн дьоро киэһэ буолан ааста.

Тэрээһиҥҥэ Бүлүү улууһун культуратын начальнига А.А. Дашевская, Бүлүү киэн туттар олоҥхоһута С. И. Иванов — Чочу Сэмэнэ, В.О. Каратаев аатынан олоҥхоһуттар, тойуксуттар коллективтарын салайааччыта С. Т. Иванова, бииргэ алтыһар дьоно, кини талааныгар сүгүрүйээччилэр кэлэн ыалдьытаатылар. Дьоро киэһэни ыытта — СӨ культуратын туйгуна, СӨ үөрэҕириитин туйгуна, Бүлүүлэр киэн туттар ырыаһыппыт М.П. Сивцева.

Саамай кэрэхсэбиллээх, үөрүүлээх түгэнинэн буолла – Иван Иванович библиотека фондугар 30 тахса дискэтин бэлэх ууммута. Бу диискэлэргэ норуот талааннаахтара — олоҥхоһуттар, тойуксуттар уонна В.О. Каратаев аатынан олоҥхоһуттар, тойуксуттар коллективтарыгар араас кэмҥэ дьарыктанан, туойан ааспыт дьон ырыаларын түһэрбит. Бу биһиги библиотечнай фондабытын байытар улахан суолталаах сүҥкэн бэлэх буолар.

Мария Иванова, КОО кыл. бибилэтиэкэрэ


Иван Иванович Тулааһынов олоҕун уонна айар үлэтин туһунан кылгас информацианы МАННА киирэн ааҕыҥ



Навигация: Вернуться на главную страницу

Оставить комментарий

Обратная связь