Бэс ыйын 28-29 күннэригэр Үөһээ Бүлүү улууһугар Саха республикатын культуратын идэлээх союзтара тэриллибитэ 65 сылыгар аналлаах Бүлүү түбэтин — Бүлүү, Үөһээ Бүлүү, Ньурба, Сунтаар культуратын үлэһиттэрин 5-с спартакиадата ыытылынна.
Бүлүү улууһуттан 45 киһилээх улахан хамаандата бары көрүҥнэргэ ситиһиилээхтик кытынна.
Күрэх биир көрүҥэ – интеллектуальнай оонньуу. Үөһээ Бүлүүтээҕи О.Д. Федорова аатынан киин библиотека үлэһиттэрэ «Өҥ буордаах Үөһээ Бүлүү биллэр дьоно» диэн квест-оонньууну тэрийэн ыыттылар.
Куоталаһыы бу көрүҥэр Бүлүүтээҕи кииннэммит библиотека үлэһиттэрэ Надежда Седалищева, Мария Иванова уонна П.Х.Староватов аатынан түмэл үлэһитэ Сардаана Сыроватская кытыннылар. Үөһээ Бүлүү ытык-бэлиэ сирдэринэн, тэрилтэлэринэн сүүрэ сылдьан 7 түһүмэхтээх соругу толордулар. Түмүккэ хамаанда 2 миэстэни ылла.
Спартакиада уопсай түмүгүнэн Бүлүү хамаандата 3 миэстэни ылла уонна 30 тыһыынча сууммалаах сертификатынан наҕараадаланна.
Кэлэр спартакиада Бүлүү сиригэр ыытыллара бигэргэннэ.
Мария Иванова, КОО кыл. бибилэтиэкэрэ
Навигация: Вернуться на главную страницу