Бүтүн Россия үрдүнэн 6-с төгүлүн ыытыллар «Библионочь» акцияҕа кыттыһан Ыам ыйын 25 күнүгэр, Киин библиотека Бүлүүбүт куоратын олохтоохторугар уонна ыалдьыттарыгар анаан «Библионочь – 2018 — Магия книги» диэн ааттаах тэрээһини ыытта.
Санатан эттэххэ быйыл 2018 сылга балаҕан ыйын 30 күнүгэр Киин библиотека төрүттэммитэ 120 сылын бэлиэтиэҕэ, онон бу тэрээһин үбүлүөйдээх тэрээһиннэртэн биирдэстэрэ.
Бу күн араас ис хоһоонноох акциялар, маастар кылаастар, хамаанданнан квест-оонньуу, өйдөбүнньүк фото-зоналар, рассада, косметика, кинигэ атыыта уонна минньигэс астаах буфет үлэлээтэ.
Марк Жирков аатынан музыкальнай оскуола үөрэнээччилэрэ: Григорьев Витя, Бубякина Валерия, Протопопова Сардаана, Яковлева Настя, Тараховский Марк 18-19 үйэтээҕи классичекай музыканы фортепианоҕа оонньоон музыка кэрэ эйгэтигэр киллэрдилэр. Салайааччылар – Ольга Даниловна Тимофеева, Анастасия Александровна Николаева, Татьяна Николаевна Шипилова фортепиано кылааһын преподавателлэрэ.
Ылбаҕай ымыылаах ырыаларынан Камилла Семенова, Алексей Васильев киэргэттилэр.
И. Гоголев-Кындыл хомоҕой тыллаах «Уу оҕуһун муоһугар суруктар» поэматыттан Анна Игнатьева, Мотрена Иванова, Антонина Николаева, ис турукка киирэн туран ааҕыыларын, истэн олорор дьон олус долгуйа иһиттилэр.
Аким Алексеевич Степанов-Акыым Дуолан, Альбина Егоровна-Сыралыма Николаев Николай Иннокентьевич-Тииҥ Ньукулай бэйэлэрэ айбыт хоһоонноруттан аахтылар.
Библиотека үлэһиттэрэ “Номинант кинигэлэри” биирдиилээн билиһиннэрдилэр, кэлбит дьоҥҥо номинациялары таайтаран сюрпризтаах оонньуу ыыттылар.
Наталья Дмитриенва Алексеева тус бэйэтин коллекцитыттан автор автографтардаах кинигэлэрин билиһиннэрдэ.
Маны таһынан точечнай росписька Е. А. Алексеева, трикотажнай пряжаттан корзина өрүүтүгэр С. Э. Прокопьева уонна библиотека үлэһиттэрэ оҕуруоннан лохматай жгут, күрүчүөгүнэн баайыллар оҕуруо жгуту, оҕуруоттан косынканы оҥорорго маастар кылаас ыыттылар.
Саха норуодунай суруйааччыта Николай Якутскай төрөөбүтэ 110-сылыгар аналлаах квест-оонньууга 3 хамаанда кытынна.
Түмүккэ 1 миэстэни «Культура» хамаандата, 2 миэстэни «Микс» хамаанда уонна 3 миэстэни «Сахатранснефтегаз» хамаандата ылла.
Бастыҥ капитан аатын Давыдова Р.Д «Сахатранснефтегаз» хамаандаттан, бастыҥ оонньооччу Николаева Е. Н “Микс” хамаандаттан буоллулар.
«Буккросинг» уонна «Верни книгу библиотеку» акциялар ыытылыннылар, “Фото с книгой” куонкурус хаартыска галереята, араас фотозоналар кэлбит дьон болҕомтотун тартылар.
Мария Иванова, КОО кыл. бибилэтиэкэрэ
Навигация: Вернуться на главную страницу