Саха народнай поэта И.М. Гоголев-Кындыл төрөөбүтэ 88 сыла

20180118_105313 (2)Саха АССР норуодунай поэта, РФ культуратын үтүөлээх үлэһитэ, Саха АССР искусстволарын үтүөлээх диэйэтэлэ, Саха комсомолун бириэмийэтин лауреата, биһиги Бүлүүлэр биир дойдулаахпыт Иван Михайлович Гоголев-Кындыл бүгүн тохсунньу 18 күнүгэр төрөөбүтэ 88 сылын бэлиэтиибит.

Бу бэлиэ чыыһылаҕа Бүлүүтээҕи кииннэммит библиотека улуус олохтоохторугар кэтэхтэн эссе күрэҕин биллэрбит түмүгүн таһаарда. Эссэ темата 2017 сыл Россияҕа экология сыла биллэриллибитинэн сибээстээн, Бүлүү улууһун экологиятыгар “Олорор мутуккун кэрдимэ…”.

Күрэх 2 бөлөҕүнэн ыытылынна — 8-11 кылаас үөрэнээччилэригэр уонна сааһынан хаарчаҕа суох улахан дьоҥҥо. Уопсайа барыта 8 үлэ киирдэ.

Күрэх түмүгэр, оскуола саастаах оҕолорго:

1 миэстэ –  Советскай Союз Геройа Н.А.Кондаков аатынан Дьөккөн орто оскуолатын 9 кылааһын үөрэнээччитэ Петров Даниил;

2 миэстэ – Тылгыны орто оскуолатын  10 кылааһын үөрэнээччитэ Мягчегиров Федор.

Онтон улахан дьоҥҥо:

1 миэстэ — Үгүлээт нэһилиэгин МТ баһылыга Октябрь Иванович Лукин;

2 миэстэ — Үгүлээт нэһилиэгин сир хаһаайыстыбатын специалиһа Иванов Байрон Николаевич.

Кыайыылаахтары ситиһиилэринэн эҕэрдэлиибит!

Бүгүн Иван Гоголев – Кындыл төрөөбүт күнүгэр улууска араас тэрээһиннэр ыытыллыахтара. Киин библиотека 2016 сылтан тэрийэн ыытар И.М. Гоголевка аналлаах аһаҕас уруогар куорат  оскуолаларын выпускниктара кытталлар, быйыл Бүлүүтээҕи Г.И. Чиряев аатынан 1№ оскуола тэрийэн ыытар.

Бу курдук, үүнэр кэнчээри ыччат саха литературатын таптыырыгар, улуустарын улуу дьонунан киэн туттарыгар  үлэлэһэбит, дьулуһабыт.

Бүлүүтээҕи ЦБС КОО отдела

Навигация: Вернуться на главную страницу

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь