Гоголев ааҕыылара — 2016 «Уйулҕам угуйар тыынынан…» улуустааҕы видеофильм конкурс балаһыанньата

              i-m-gogolevКүндү доҕоттор, дьоҕургутун көрдөрүҥ!

              Улуустааҕы киин библиотека саха народнай суруйааччыта Иван Гоголев – Кындыл айымньыларынан «Уйулҕам угуйар тыынынан…» диэн видеофильмнары оҥорууга кэтэхтэн конкурс биллэрэр.
Үлэлэргитин 2016 сыл ахсынньы ый 12 күнүгэр дылы Бүлүү куорат, Мир уулусса, 11- гэр улуустааҕы библиотекаҕа ыытаргытыгар көрдөһөбүт.
              Сүрүн сыаллара уонна соруктара:
• Суруйааччы айымньыларын, айар үлэтин үөрэтиини кэҥэтии, дириҥэтии, аатын үйэтитии;
• Россияҕа киинэ сылынан дьону айар дьоҕурдарын көҕүлүүр аналлаах.
              Кытталлар:
• Сааһыттан, олорор сириттэн тутулуга суох ким баҕалаах оскуола оҕолоро уонна улахан дьон;
• Биирдиилээн уонна бөлөҕүнэн кыттар көҥүллэнэр;
              Ирдэнэрэ:
• Видеофильм жанра хааччахтаммат;
• Сценарийа суругунан киирэр;
• Видеофильм оҥорооччулар ааттара-суоллара, төрөөбүт сыллара, үлэлиир тэрилтэлэрэ, дьиэтээҕи аадырыстара, телефоннара ыйыллыахтаах;
• Видеофильм уһуна 5 – 20 мүнүүтэ.
              Наҕараадалааһын номинацияларынан барар:
• Бастыҥ сценарий;
• Бастыҥ авторскай үлэ;
• Бастыҥ оператор;
• Бастыҥ оҕо оруола;
• Бастыҥ дьахтар оруола;
• Бастыҥ эр киһи оруола;
• Бастыҥ музыканан киэргэтии;
• Сонун ураты көрүүлээх (оригинальность);
• Чинчийэр утумнааҕын иһин;
• Сэдэх кадрдары туттуу;
• Элбэҕи эрэннэрэр;
• Дьүүллүүр сүбэ сэҥээриитин ылбыт;
              Кыттыбыт дьоҥҥо сертификат бэриллэр. Номинацияҕа харчы сертификатынан бириэмийэлэр ананаллар, дипломнарынан, махтал суруктарынан наҕараадаланаллар. Ирдэбилгэ эппиэттээбэт үлэлэргэ номинация бэриллибэт, дьүүллүүр сүбэ быһаарыыта бүтэһиктээх.
              Кыайыылаахтар “Панорама» ТВ-га көрдөрүллүөхтэрэ.
Сибээстэһэр телефоннаргыт 42745, факс: 43668, электроннай аадырыс: villib.sakha@mail.ru
Айымньылаах үлэни баҕарабыт!
                                                                                                                                                         Бүлүүтээҕи киин библиотека

Скачать: Гоголев аа5ыылара — 2016 «Уйул5ам угуйар тыынынан…» улуустааҕы видеофильм конкурс балаһыанньата

Оставить комментарий

Наш сайт использует файлы cookies, чтобы улучшить работу и повысить эффективность сайта. Продолжая работу с сайтом, вы соглашаетесь с использованием нами cookies и политикой конфиденциальности.

Принять
Обратная связь